Гунаҳгори ҳодиса муайян карда мешавад: шарҳи ВКД аз сӯхтор дар “Шарқи озод”

© МВД Таджикистана Пожар в здании "Шарки Озод"
Пожар в здании Шарки Озод - Sputnik Тоҷикистон
Обуна шудан
Вазорати умури дохилаи Тоҷикистон, эълон намудааст, ки сабаби сар задани сӯхтор дар қабати ёздаҳуми бинои нашриёти “Шарқи Озод”, ки воқеъ дар кӯчаи Саъдӣ Шерозии пойтахт қарор дорад, таҳқиқ дорад ва ҳатман гунаҳгори ҳодисаро пайдо хоҳад кард

ДУШАНБЕ, 28 феврал - Sputnik. Бино бар иттилои дафтари матбуоти Вазорати умури дохилаи Тоҷикистон сӯхтор дар бинои Корхонаи воҳиди давлатии комплекси табъу нашри “Шарқи озод”, воқеъ дар кӯчаи Саъдӣ Шерозӣ 16-и шаҳри Душанбе санаи 27 феврали соли равон соати 10:38 дақиқаба амал омадааст.

Шарки озод, пожар - Sputnik Тоҷикистон
Оташсӯзӣ дар бинои "Шарқи озод"

Манбаъ таъкид кардааст, ки дар баробари қабули хабар фавран ба маҳали ҳодиса 16 адад нақлиётҳои асосӣ ва махсусӣ сӯхторхомушкунӣ ва ҳайати роҳбарикунандаву шахсии Сарраёсати хадамоти давлатии оташнишонии ВКД ва РХДО шаҳри Душанбе, инчунин хадамотҳои ҳамоҳангсозӣ сафарбар карда шуданд.

Дар Суғд бар асари сӯхтор 8 нафар ба ҳалокат расидаанд

“Ҳангоми ба маҳалли ҳодиса ҳозир шудани оташнишонон дар масоҳати 20 метри мураббаъ ошёнаи 11-уми бинои Корхонаи воҳиди давлатии комплекси табъу нашри “Шарқи озод”-ро оташ фаро гирифта, хавфи бевоситаи паҳн гардидани алангаи оташ ба дигар қисматҳои бино ба миён омада буд”, - қайд намудааст ВУД Тоҷикистон.

Манбаъ зикр намудааст, ки дар натиҷаи амалиёти фаврии гузаронидаи кормандони Хадамоти давлатии оташнишонии ВКД роҳҳои паҳншавии оташ дар ҳама самтҳо пешгирӣ карда шуда, сӯхтор дар масоҳати аввалааш дар кутоҳтарин фурсат ба пуррагӣ хомуш карда шуд.

Пожар в Душанбе Сгорели несколько столовых - YouTube - Sputnik Тоҷикистон
Натиҷаи сӯхтор дар ошхонаҳои "Сафо", "Сомониён", "Наврӯз" – навор

Сӯхтор дар меҳмонхонаи нотамоми “Исмоили Сомонӣ” дар маркази шаҳри Душанбе - навор

“Таҳқиқи ҳодисаи сӯхтор аз тарафи мутахассисони Сарраёсати хадамоти давлатии оташнишонии ВКД бурда шуда, гунаҳгори ҳодиса муайян карда мешавад”, - афзуд манбаъ.

Ёдрас мешавем, ки як манбаъ дар суҳбат ба Sputnik Тоҷикистон гуфта буд, ки оташсӯзӣ дар қабати 11-уми бино ки дар он нашрияҳои  "Тоҷикистон" ва "Оила" қарор доштанд, сурат гирифтааст, ва касе аз кормандони нашрия зарар наёфтаанд.

Лентаи хабарҳо
0