Омодагӣ ба Наврӯз: насби бузургтарин табақи суманак дар шаҳри Душанбе

Обуна шудан
Дар майдони “Дӯстӣ”-и шаҳри Душанбе, дар паҳлуи муҷассамаи Исмоили Сомонӣ баландтарин табақи суманак, ки ҳамчун рамзи баҳору Наврӯз дониста мешавад, насб карда шудааст

ДУШАНБЕ, 10 мар — Sputnik. Бино бар иттилои АМИТ “Ховар” бори аввал аст, ки бузургтарин табақи суманак дар маркази пойтахти Тоҷикистон  гузошта мешавад.

Наврӯз-2016 дар Душанбе таҷлил мегардад - Sputnik Тоҷикистон
Истиқболи Наврӯз бо рақсу тарона ва суманак

Дар ҳамин ҳол, шаҳрдории Душанбе хабар додааст, ки аз 1 март то 20 апрел бо дастгирии мақомоти шаҳр ва ширкати “Рахш такси” дар ҳамкорӣ бо  Маркази миллии “Иттифоқи ҳунармандон” ба муносибати ҷашни Наврӯзи байналмилалӣ таҳти унвони “Ярмаркаи наврӯзӣ. Душанбе-2020” дар пойтахт намоишгоҳи баҳории ҳунармандон баргузор мегардад.

Инчунин манбаъ зикр намудааст, ки ҳамарӯза аз ҷониби рассомону устодон барои истеъдодҳои ҷавон дарсҳои омӯзишӣ  гузаронида мешаванд. Намоишгоҳ ҳамарӯза аз соати 10:00 то 11:00-и шаб идома меёбад.

Тавре аз манбаъ қайд намудааст ташаббускорони намоишгоҳ тасмим гирифтаанд, ки дар хиёбони Рӯдакӣ ярмаркаи баҳорӣ баргузор намоянд, то дар он сокинону меҳмонони пойтахт ва хориҷиён ҷамъ омада, аз маҳсули дасти ҳунармандони тоҷик бархӯрдор гарданд.

Лентаи хабарҳо
0