Пешгӯии сардухтур: коронавирус ҳафтаи равон ба Қазоқистон мерасад

© Sputnik / Alessandro Rota / Гузариш ба медиабонкЖенщина в медицинской маске в центре Милана
Женщина в медицинской маске в центре Милана - Sputnik Тоҷикистон
Обуна шудан
Ба иттилои сардухтури Беморхонаи сироятӣ дар Қазоқистон, эҳтимол маризии сироятии коронавирус ҳафтаи равон ба ин кишвар мерасад

ДУШАНБЕ, 10 мар — Sputnik. Жандарбек Бекшин сардухтури беморхонаи сироятӣ дар Қазоқистон зимни нишасти матбуотӣ аз эҳтимолияти расидани маризии коронавирус ба кишвар дар ҳафтаи равон хабар дод.

Олимзода Насим министр здравоохранения и социальной защиты населения РТ, архивное фото - Sputnik Тоҷикистон
Супоришҳои мушаххаси Олимзода ба масъулин барои пешгирии интиқоли корнавирус ба Тоҷикистон

Бекшин дар ҷамъи хабарнигорон санаи зуҳури ин маризӣ дар Қазоқистонро эълом кард. Ба иттилои ӯ, тахминан аз 11 то 16 - уми март,  маризии коронавирус ба Қазоқистон мерасад.

Дар ин робита Вазорати беҳдоштро лозим аст, ба хотири пешгирӣ аз паҳншавии маризӣ чораҳои махсусро роҳандозӣ намояд.

На танҳо таб ва сулфа: нишонаҳои нави коронавирус маълум шуданд

Сардухтури қазоқ таъкид намудаст, ки дар сурати пайдо шудани нахустин ҳолати гирифторӣ ба ин маризӣ, вазорат зуд аз пайи пиёда намудани чораҳои махсус хоҳад шуд.

Зимнан, Бекшин изҳор доштаст, ки санаи эъломшуда, пешгӯиҳои математикии олимон аст ва шояд тасдиқ нагарданд.

"Мо ҳоло дар робита ба вазъи кунунӣ фаъолият мебарем ва дурнамои онро низ пешгӯӣ мекунем. Мо вазъро моделсозӣ карда истодаем.  Феълан мо дар ҳалқа қарор дорем,  ва ин вазъияти нохуб моро ҳам домангир мешавад, аммо "кай?" номаълум аст. Олимон мегӯянд, ки маризӣ метавонад 10 - уми март ва ё 16 - уми март ба Қазоқистон расад. Бояд иқрор шуд, ки ин танҳо пешгӯӣ аст. Пешгӯӣ метавонад амалӣ ҳам нашавад", - илова намудаст Жандарбек Бекшин.

Бар тибқи маълумоти ахир, дар Чин 80754 нафар дардманди ин беморӣ мебошанд. Зимнан, 3136 нафар ҷон бохтанд ва ҷони 60 ҳазор бемор наҷот дода шуд.

Лентаи хабарҳо
0