Боздошти заминсоз барои фурӯши замин: беш аз 60 ҳазор сомонӣ гирифтааст

© Sputnik / Стас ЭтвешАрест, архивное фото
Арест, архивное фото - Sputnik Тоҷикистон
Обуна шудан
Агентии мубориза бо фасоди Тоҷикистон аз боздошти як мансабдори давлатӣ хабар медиҳад, ки замини наздиҳавлигиро ба қиммати беш аз шаш ҳазор доллар фурӯхтааст

ДУШАНБЕ, 18 мар — Sputnik. Ба иттилои Агентии мубориза бо фасод, Жураев Нурмаҳмад, ки вазифаи муҳандис-заминсозӣ Ҷамоати шаҳраки Ҳайёти нави ноҳияи Ёвон кор мекард, ба як сокини ноҳия замини наздиҳавлигӣ фурӯхтаст.

Подпись документа, архивное фото - Sputnik Тоҷикистон
Раҳмон гуфт, раисони кадом шаҳру ноҳия қарорҳои ғайриқонунӣ бароварданд: 26 ном

Манбаъ мегӯяд, Жураев дидаю дониста, ки ваколати ҷудо карда додани қитъаи замини наздиҳавлигиро надорад, ба боварии шаҳрванд Уктамҷон Шамсиддинов, сокини Ҷамоати мазкур даромада, аз ӯ барои аз ҳисоби заминҳои фонди наздиҳавлигии Ҷамоат ҷудо карда додани 0,16 га. қитъаи замини наздиҳавлигиро ваъда кардааст.

Гуфта мешавад, ӯ барои ин кор аз Уктамҷон Шамсиддинов моҳи октябри соли 2014 маблағи 3500 доллар ва моҳи феврали соли гузашта маблағи 30000 сомонӣ гирифта, ба манфиати шахсиаш сарф кардааст.

“Жураев Нурмаҳмад, бо ин ҳаракатҳои қасдонаи худ ба Уктамҷон Шамсиддинов зарари махсусан калони моддӣ расонид”,-афзудааст манбаъ.

Дафтари матбуотии Агентӣ мегӯяд, нисбат ба Жураев Нурмаҳмад парвандаи ҷиноятӣ оғоз карда шуда, тафтиши пешакии он идома дорад.

Лентаи хабарҳо
0