СҶБ: то ҳол бар зидди коронавирус ҳеҷ доруи махсусе вуҷуд надорад

CC0 / Pixabay / HASTYWORDS / Таблетки, архивное фото
Таблетки, архивное фото - Sputnik Тоҷикистон
Бо густариши коронавирус дар сартосари ҷаҳон дар аксари кишварҳо ва сабти беш аз ҳафт ҳазор фавтидагон бар асари ин вирус Созмони ҷаҳонии беҳдошт дар бораи истифодаи худсаронаи баъзе аз доруҳо ҳушдор дод

ДУШАНБЕ, 18 мар — Sputnik. Созмони ҷаҳонии Беҳдошт таъкид доштааст, дар ҳисоби “Твиттер”-и худ эълом кард, бархе аз афроди машкук ба олудагӣ ба коронавирус ин рӯзҳо бидуни муроҷиа ба пизишк аз баъзе доруҳо барои дармони худ истифода мекунанд, иттилоъ додааст РИА Новости.

Меры по профилактике в метро в связи с коронавирусом  - Sputnik Тоҷикистон
Шумораи дардмандони коронавирус дар Русия ба 93 нафар расид: 5 тан шифо ёфтанд

Ин созмон таъкид доштааст, ки то кунун ҳеҷ доруе бар зидди коронавирус вуҷуд надорад.

Созмони ҷаҳонии беҳдошт ҳамчунин ба афроди машкук ба коронавирус тавсия додааст, ки аз истифодаи антибиотикҳо ва бархе доруҳое, ки барои дармони зуком истифода мешавад, худдорӣ намоянд.

Намояндагони Созмони ҷаҳонии беҳдошти қайд намуданд, ки бемории коронавирус бадтарин буҳрони саломатӣ дар ҷаҳон аст, ки шумори куштаҳо ва мубталоёни он дар ҷаҳон аз омори сабтшуда дар Чин пуршумортар хоҳад буд.

Ёдрас мешавем, ки Вазорати тандурустии Тоҷикистон дар истинод ба омори ахири Созмони ҷаҳонии беҳдошт хабар додааст, ки ба ҳолати субҳи 17 марти соли равон шумораи гирифторони  коронавирус дар Россия ба 93 нафар, дар Арманистон ба 52, дар Беларус ба 36, дар Молдова ба 29, дар Қазоқистон ба 13 ва дар Ӯзбекистон ба 8 нафар расид.

Ҳамзамон тибқи иттилои манбаъ, дар Озарбойҷон ва Украина шумораи сироятёфтагон бетағйир боқӣ монда, мутаносибан 25 ва 7 нафарро ташкил медиҳад. 

Женщина смотрит из окна Costa Adeje Palace hotel на Тенерифе - Sputnik Тоҷикистон
Авҷи коронавирус дар кишварҳои ИДМ: шумори мубталоёни ин вирус ба 263 нафар расид

Манбаъ ёдрас шудааст, ки чанд рӯз пеш шумораи гирифторони коронавирус дар Россия 63 нафар, дар Арманистон — 30, дар Беларус — 27, дар Молдова — 23, дар Қазоқистон — 9 ва дар Ӯзбекистон — 6 нафар буд.

Дар ҳамин ҳол, бино бар иттилои манбаъ дар Тоҷикистон, Қирғизистон ва Туркманистон то ҳол ягон ҳолати сироятёбӣ аз коронавирус ба қайд гирифта нашудааст.

Ёдрас мешавем, ки ахиран Созмони ҷаҳонии беҳдошт ҳафтаи гузашта хуруҷи COVID-19-ро пандемия эълон кард.

Ҳамагӣ дар ҷаҳон беш аз 182 ҳазор нафар ба коронавирус гирифтор шудаанд, ки аз ин шумора беш аз 7,1 ҳазор нафар вафот карда, беш аз 79,8 ҳазор кас шифо ёфтаанд ва беш аз 6,1 ҳазор тан дар ҳолати вазнин қарор доранд.

Лентаи хабарҳо
0
Нахуст ҷадидҳоНахуст кӯҳнаҳо
loader
Дар нашр
Заголовок открываемого материала