ДУШАНБЕ, 25 мар — Sputnik. Раёсати Вазорати умури дохилаи Тоҷикистон аз ифтитоҳи парвандаи ҷиноӣ алайҳи зани ҷавон, модари се кӯдак хабар додааст, ки риоя накардани қоидаю меъёрҳои санитарию гигиенӣ ва санитарию эпидемиологӣ гунаҳкор дониста мешавад.
Худи "қаҳрамони ҳодиса" ин кирдорашро "корамро осон кардам" гӯён тавзеҳ додааст.
"Дар натиҷаи омӯзиш ва мавриди баррасӣ қарор додани муроҷиати мазкур, аз ҷониби кормандони милитсияи пойтахт муайян карда шуд, ки ин нафар шаҳрванд Сатторова Нозанин Тиллоевна соли таваллудаш 09.10.1988 истиқоматкунандаи шаҳри Душанбе кӯчаи Шамсӣ, бинои 2/4, ҳуҷраи 89, оиладор соҳиби 3-фарзанд мебошад, ки ба хотири гӯё осон намудани кори худ аз боло зарфҳои пластикиро ба поён ҳаво додааст", - менависад манбаъ.
Мақомот ба сокинони Хуҷанд: партовро ба дасти фарзандонатон равон накунед
Вобаста ба ҳолати мазкур нисбати номбурда бо моддаи 112-и Кодекси ҳуқуқвайронкунии маъмурии Ҷумҳурии Тоҷикистон, яъне риоя накардани қоидаю меъёрҳои санитарию гигиенӣ ва санитарию эпидемиологӣ парвандаи маъмурӣ тартиб дода шуда, дар баррасӣ қарор дорад.
