ДУШАНБЕ, 31 мар — Sputnik. Тоҷикистон барои пешгирӣ аз маризии сироятии коронавирус кӯмаки тиббӣ дарёфт намуд, хабар медиҳад агентии "Авест".
Бар хабари манбаъ, кӯмаки давлати Чин аз 1000 либоси махсуси муҳофизатӣ, 500 адад ҳароратсанҷ, 1000 ададӣ айнак ва дастпӯшӣ тиббӣ ва дигар воситаҳои пешгирикунанда аз ин маризӣ, иборат аст.
Гуфта мешавад, ҳукумати Чин кӯмаки мазкуро рӯзи 30 - юми март дар гузаргоҳи марзии Қарасу ба намояндагони Тоҷикистон супорид.
Шумори гирифторони коронавирус дар Русия меафзод: 302 ҳолат дар як шабонарӯз
Дар Тоҷикистон то санаи 30 - юми март, ягона ҳолати гирифторшавӣ ба маризии коронавирус ба қайд гирифта нашудаааст, вале ҳукумати кишвар ба хотирӣ роҳ наёфтани ин бемории даҳшатовар, аз ҳаргуна роҳу воситаҳои пешгирикунанда истифода мебарад.
Ахиран СҶБ, маризии коронавирусро 11 - уми март пандемия эълон кард.
То 30 - юми март ба маризии коронавирус дар ҷаҳон дасти кам 723,3 ҳазор нафар мубтало гардиданд. Ҳамзамон 34 ҳазор мариз дар ҷаҳон ба ҳалокат расиданд.
