ВКД маълум кард, ки дар шаҳри Душанбе идораи букмекерии “Рахш”-ро кӣ ғорат кард

© Sputnik / Амир ИсаевМилиционеры в Душанбе, архивное фото
Милиционеры в Душанбе, архивное фото - Sputnik Тоҷикистон
Кормандони милитсия шаҳри Душанбе як ҷавон ва ду ноболиғро, ки қаблан маҳкум шуда буданд, дар дуздии идораи букмекерии “Рахш” гумонбар медонанд

ДУШАНБЕ, 10 апр — Sputnik. Кормандони милитсии шаҳри Душанбе як ҷавон ва ду ноболиғи қаблан маҳкумшударо дар дуздии 6 ҳазору 800 сомонӣ аз идораи букмекерии "Рахш" гумонбар медонанд.

Председатель Совета улемов Исламского центра Таджикистана Саидмукаррам Абдукодирзода, архивное фото - Sputnik Тоҷикистон
Ҳалол ё не: Шӯрои уламо оид ба кор дар марказҳои букмекерӣ

Бино бар иттилои дафтари матбуоти Вазорати умури дохилаи Тоҷикистон,  ахиран ба ШВУД-2 дар ноҳияи Шоҳмансури шаҳри Душанбе, роҳбари ҶДММ "Рахш" муроҷиат намудааст, ки санаи 9-уми апрели соли 2020, шахсони номаълум бо роҳи пинҳонӣ ба идораи букмекерии "Рахш", воқеъ дар кӯчаи Айнӣ даромада, аз дохили сандуқи оҳанин 6 ҳазору 800-сомониро дуздида, аз ҷойи ҳодиса ғайб задаанд.

Тавре манбаъ хабар додааст, кормандони милитсия ҳангоми гузаронидани чорабиниҳои оперативӣ-ҷустуҷӯӣ муайян намуданд, ки дар содир намудани ин ҷиноят ҷавони 21-сола ва ду ноболиғи 15 ва 17-солаи сокинони пойтахт, ки пеш бо моддаи 244 Кодекси ҷиноятии Ҷумҳурии Тоҷикистон маҳкум шуда буданд, даст доштааснд.

Дар ҳоли ҳозир аз сӯи кормандони милитсия тафтишоти ҳодисаи мазкур идома дорад.

Лентаи хабарҳо
0
Нахуст ҷадидҳоНахуст кӯҳнаҳо
loader
Дар нашр
Заголовок открываемого материала