Ахбори ВУД: ғоратгарӣ дар Данғараю кордзанӣ пеши бозори “Суғдиён”

© Sputnik / Табылды Кадырбеков / Гузаштан ба хазинаи аксРуки в наручниках.
Руки в наручниках. - Sputnik Тоҷикистон
Вазорати умури дохилии Тоҷикистон аз боздошти ҷавони 28-сола бо иттиҳоми ғоратгарӣ хабар дод, ки дар ситондани ду телефон аз ҷавонзан айбдор мешавад

ДУШАНБЕ, 11 апр — Sputnik. Ба идораи милиса дар ноҳияи Данғара, зани 33-сола, сокини ҷамоати деҳоти Оқсуи ноҳияи мазкур муроҷиат намуда, арз доштааст, ҳадафи ғоратгарӣ қарор гирифтааст.

Арест, архивное фото - Sputnik Тоҷикистон
Боздошти ду ҷавон ба иттиҳоми ғоратгарӣ дар шаҳри Душанбе

Ба иттилои ВУД Тоҷикистон, муроҷиаткунанда шикоят кардааст, ки санаи 3-юми апрели соли 2020, тахминан соати 20:00, Фирдавс ном шахс бо тариқи зӯроварӣ ва ошкоро аз дасташ 2 адад телефони мобилии тамғаи “Самсунг”-ро тасарруф намуда, аз ҷойи ҳодиса ғайб задааст. 

“Ҳангоми гузаронидани чорабиниҳои оперативӣ-ҷустуҷӯӣ аз ҷониби кормандони милитсия муайян карда шуд, ки ҷинояти мазкурро марди 26-солаи сокини ҷамоати деҳоти И.Шарифови ҳамин ноҳия, содир намудааст”, - омадааст дар иттилоия.

Инчунин ВУД хабар додааст, ки марди 28-сола, сокини ҷамоати деҳоти Мискинободи ноҳияи Файзобод, бо гумони қасдан расонидани зарари миёна ба саломатӣ дастгир карда шуд.

Манбаъ афзуд, ки муттаҳам дар назди бозори “Суғдиён” бо марди 35-солаи сокини шаҳри Бӯстон ҷангу ҷанҷол карда, бо корд ба панҷаи дасти рости ҷабрдида зада, ҷароҳати ҷисмонӣ расонидааст.

Мақомоти умури дохилӣ мегӯянд, феълан аз рӯи ин ҳодисаҳо таҳқиқот идома дорад.

Лентаи хабарҳо
0
Нахуст ҷадидҳоНахуст кӯҳнаҳо
loader
Дар нашр
Заголовок открываемого материала