Врачи - Sputnik Тоҷикистон
Коронавирус дар Русия ва ҷаҳон: охирин хабару гузоришҳо
Созмони ҷаҳонии беҳдошт моҳи марти соли 2020 пандемияи коронавирус эълон кард

Гирифторони коронавирус чигуна ҷон медиҳанд - посухи пизишк аз Қирғизистон

© AFP 2021 / XAUME OLLEROSВрачи госпитализируют больного, архивное фото
Врачи госпитализируют больного, архивное фото - Sputnik Тоҷикистон
Асомиддин Марипов мудири беморхонаи Ноокат, ки беморони коронавирусро табобат мекунад, гуфт дардмандони COVID -19 чигуна ҷон медиҳанд

ДУШАНБЕ, 12 апр — Sputnik. Пизишк мегӯяд, рӯзҳои аввали қабули беморон пизишкон фикр мекарданд, коронавирус як навъи зуком аст, вале бо мурурри замон дарк карданд, ки ин беморӣ чанд маротиб даҳшатбортар ва вазнинтар будааст.

Вакцинация, архивное фото - Sputnik Тоҷикистон
Профессори тоҷик таъсири БСЖ ба COVID-19 - ро гуфт

Ба нақли пизишк, 90 дарсади беморон ягон нишонае надоранд, Яъне зимни ташхис таҳлил мусбат мебарояд, вале онҳо худро хуб эҳсос мекунанд ва танҳо ба сифати барандаи вирус ҳастанд.

Вале, 10 дарсади дардмандон коронавирусро хеле мушкил мегузаронанд ва ин ҷо табобати бемор аз синну сол, саломатии одам ва ғизои истеъмолкарда вобаста аст.

Дар ҳамин ҳол таби бемор то 40 дараҷа баланд шуда, сулфаи хушки дилгиркунанда сар мешавад. Дар шабонарӯзи дуюм нафаскашии бемор вазнин мешавад ва ӯро ба шӯъбаи эҳё ба аппарати нафаскашии сунъӣ пайваст мекунанд.

Пизишк бо гуфтаи ҳамтоёнаш аз Италия, ки беморони коронавирус хеле вазнин ҷон медиҳанд розӣ аст. Ӯ нақл кард, чигуна дардмандони коронавирус ба ҳалокат мерасанд.

"Бале ин рост аст. Бемор шадидан заҳролуд мешавад ва агар дар ҳамин ҳол бемор баҳуш бошад, бисёр азоб мекашад. Қисмҳои бадани чунин беморон оҳиста оҳиста аз кор мемонанд. Муҳим аст, ки дар чунин вақт пизишки таҷрибадори реаниматолог ва таҷҳизоти техникӣ бошад", - гуфт Асомиддин Марипов дар суҳбат бо Sputnik Қирғизистон.

Дар Қирғизистон то 12 апрели соли равон 377 ҳолати гирифторӣ ба коронавирус ба қайд гирифта шудааст. 51 нафари онҳоро пизишкон ташкил медиҳанд. Панҷ кас дар паи ин беморӣ ба ҳалокат расида, 44 нафар шифо ёфтанд.

Ҳамагирии коронавирус

Коронавирус авохири моҳи декабри соли 2019 дар Вуҳани Чин зуҳур кард ва зуд дар дигар кишварҳо паҳн шуд.

Тибқи омори ахир, то 9 апрел беш аз 1,5 миллион кас дар 209 кишвари ҷаҳон аз коронавирус сироят шудааст. Беш аз 89,4 ҳазор нафар ҷон бохта, пизишкон 337,1 беморро табобат карданд.

Лентаи хабарҳо
0
Нахуст ҷадидҳоНахуст кӯҳнаҳо
loader
Дар нашр
Заголовок открываемого материала