ДУШАНБЕ, 15 апр - Sputnik. Дар Душанбе, бинобар сабаби пастшавии ҳарорати обу ҳаво, тасмим гирифтаанд имсол муҳлати гармидиҳиро то 21 апрел тамдид кунанд, хабар медиҳад ТоҷикТА.
Ба иттилои манбаъ, аз Вазорати энергетика гуфтаанд, агар ҳавои сард боқӣ монад, муҳлати гармидиҳӣ тамдид карда мешавад.
Ин ниҳод гуфтааст, тасмими мазкур ба хотири паст гаштани сатҳи ҳарорати ҳаво ва ҳаҷми тавлиди нерӯи барқ дар дохили кишвар марбут аст.
Дар ҳоли ҳозир дар Тоҷикистон ба ҳисоби миёна дар як шабонарӯз 45 миллион киловатт-соат нерӯи барқ тавлид мешавад.
Соли гузашта мавсими гармидиҳӣ дар Душанбе 7 апрел ба итмом расида буд.
Ёдовар мешавем, ки ҳафтаи гузашта дар Тоҷикистон бориши барфи ногаҳонӣ сардиҳои ногаҳонӣ ба амал овард, ки ҳарорати ҳаво дар пайи он поин рафт.
