Маҳбаси Ӯзбекистон ҳам дарс нашуд: кордкашии марди 48-сола ба сӯи як сокини шаҳри Душанбе

© Flickr / Mr Korn FlakesKnife
Knife - Sputnik Тоҷикистон
Кормандони милитсияи Тоҷикистон як марди 48-солаеро боздошт карданд, ки дар сӯиқасд ба ҷони як сокини шаҳри Душанбе гумонбар дониста мешавад

ДУШАНБЕ, 28 апрел – Sputnik. Бино бар иттилои маркази матбуоти Вазорати умури дохилаи Тоҷикистон, ин марди 48 сола қаблан дар кишвари ҳамсоя – Ӯзбекистон бо моддаи 223 Кодекси ҷиноятии ин кишвар маҳкум шуда буд.

Нож, архивное фото - Sputnik Тоҷикистон
Боздошти марди 43 сола барои сӯиқасд ба ҷони ду зан дар ҳолати мастӣ

Тавре масъулини вазорати умури дохила хабар доданд, ахиран ба ШВКД-1 дар ноҳияи Шоҳмансури шаҳри Душанбе ариза марди 39-солаи сокини пойтахт дастрас шуд.

Марди 39-сола ба кормандони милиса шикоят бурдааст, ки санаи 26 апрел, ҳангоми дар гузаргоҳи А.Раҷабовҳои пойтахт қарор доштанаш, марди 48-солаи сокини кӯчаи Фирдавсии шаҳри Душанбе, ки пеш бо моддаи 223 Кодекси ҷиноятии Ӯзбекистон маҳкум шуда буд, бе ягон асос ӯро дашномҳои қабеҳ гуфта, бо корди ошхонагӣ 1-маротиба ба қафаси синааш задааст. 

“Дар натиҷа, ҷабрдида ҷароҳати вазнини ҷисмонӣ бардошта, дар беморхона бистарӣ гардидааст”,-таъкид доштааст манбаъ.

Ба гуфтаи масъулини ВУД Тоҷикистон, дар ҳоли ҳозир, гумонбаршаванда дар боздоштгоҳ қарор дорад ва нисбати ин ҳодиса тафтишот идома дорад.

Лентаи хабарҳо
0
Нахуст ҷадидҳоНахуст кӯҳнаҳо
loader
Дар нашр
Заголовок открываемого материала