Сафири Эрон: бақо ва давоми забони порсӣ вомдори талошҳои арзандаи Фирдавсии бузург аст

Сафири Эрон дар Тоҷикистон дар паёме ба муносибати бузургдошти Ҳаким Абулқосими Фирдавсӣ гуфт, бақо ва давоми забони порсӣ вомдори талошҳои арзандаи Фирдавсии бузург аст

Муҳаммадтақӣ Собирӣ сафири Эрон дар Тоҷикистон дар паёме ба муносибати бузургдошти Ҳаким Абулқосими Фирдавсӣ таъкид доштааст, ки  дар тақвими Эрон рўзи 14 май (25 урдибиҳишт) ба номи рўзи бузургдошти Ҳаким Абулқосими Фирдавсӣ номгузорӣ шудааст.

“Ин муносибати фархундаро гиромӣ медорем ва ба тамоми алоқамандони ин ҳамосасарои бузурги эронӣ ва пири фарзонаи Тӯс, бавежа ҳамватанони эронӣ ва мардуми ҳамфарҳангу ҳамзабони тоҷик табрик мегӯем”, - зикр кардааст сафири Эрон дар Тоҷикистон.

Вай ҳамзамон таъкид доштааст, ки бақо ва давоми забони порсӣ вомдори талошҳои арзандаи Фирдавсии бузург аст.

Поздравления посла по случаю дня великого поэта Саади Шерози - Sputnik Тоҷикистон
Сафири Эрон: шеъри Саъдӣ оинадори сулҳ, ишқ ва дӯстӣ аст

“Талоши вай дар ҳофизаи таърих нигориш шуда ва мероси Фирдавсӣ то ҳамеша мондагор хоҳад буд”, - афзуд Муҳаммадтақӣ Собирӣ.

Вай дар ин пайём гуфт, таъсири Фирдавсӣ бар адибону шоирони дигар шигарф аст.

“Ба ростӣ метавон гуфт, Шоҳномаи Фирдавсӣ илҳомбахши бисёре аз осори ҳамосӣ дар адаби форсӣ будааст. Агар хуб ба жарфои Шоҳнома бингарем, мебинем хирад ҷонмояи ин китоби арзишманд мебошад”, - қайд кард сафири Эрон дар Тоҷикистон.

Лентаи хабарҳо
0
Нахуст ҷадидҳоНахуст кӯҳнаҳо
loader
Дар нашр
Заголовок открываемого материала