Врачи - Sputnik Тоҷикистон
Коронавирус дар Русия ва ҷаҳон: охирин хабару гузоришҳо
Созмони ҷаҳонии беҳдошт моҳи марти соли 2020 пандемияи коронавирус эълон кард

Русия воксинаи зидди COVID-19-ро сохтааст

© Sputnik / Рамиль Ситдиков / Гузариш ба медиабонкАлександр Гинцбург, директор Национального исследовательского центра эпидемиологии и микробиологии имени Гамалеи
Александр Гинцбург, директор Национального исследовательского центра эпидемиологии и микробиологии имени Гамалеи - Sputnik Тоҷикистон
Обуна шудан
Маркази миллии таҳқиқотии эпидемиология ва микробиология (НИЦЭМ) ба номи Н.Ф. Гамалеяи Русия эълон кард, ки воксини зидди COVID-19-ро сохтааст ва он мумкин аз авохири тобистони имсол барояд

ДУШАНБЕ, 17 май — Sputnik.  Дар ин бора Александр Гинтсбург, раҳбари ин маркази таҳқиқоӣ зимни суҳбаташ дар филми мустанади "Опасный вирус 5" дар шабакаи телевизионии "Россия 1" хабар дода, гуфтааст, агар мушкиле пеш наояд, охирҳои моҳи август онро сабти ном хоҳанд кард.

Врач, архивное фото - Sputnik Тоҷикистон
Фаврӣ: шумораи гирифторони коронавирус дар Тоҷикистон зиёд шуд - омори нав

Номбурда мегӯяд, таҳияи воксинаи мазкур моҳи феврал оғоз ёфта, дар таҳияи он платформаи умумиеро, ки қаблан дар воксинаи зидди табларзаи Эбола ва коронавируси MERS истифода шуда буд, истифода кардаанд.

Ба гуфти ӯ воксин дар марҳалаи озмоиши токлиникӣ қарор дорад, ки як моҳро дар бар мегирад ва пас аз он Вазорати тандурустии Русия санҷишро дар одамон иҷозат медиҳад.

Ӯ мегӯяд санҷишҳои аллакай гузаронидаашон натоҷи назаррас додааст.

Гунтсбург таъкид кард, ки пас аз ба қайд гирифтан ва оғози истеҳсоли ваксина, фавран эмкунӣ кардани тамоми сокинони кишвар ғайриимкон аст.

Мдири марказ илова намуд, ки Вазорати тандурустӣ барои тавлиди ваксинаҳо аз тамоми имконоти имконпазир истифода хоҳад кард.

Олим ишора кард, ки таҳиягарони воксина аллакай онро дар худ низ санҷидаанд.

Имрӯзҳо беш аз 70 гурӯҳи пизишкон дар саросари ҷаҳон барои пайдо кардани ваксина алайҳи коронавирус пажӯҳиш мегузаронанд.

Пробирка с тестом на коронавирус в руках - Sputnik Тоҷикистон
Омори ҷадид: дар ҷаҳон беш аз 1 миллион нафар аз маризии коронавирус шифо ёфтанд

Қаблан Николай Малишев, доктори илмҳои тиб, профессор, пизишки сироятшинос гуфта буд, ки ваксинаи зидди коронавирус на пештар аз ним сол пайдо мешавад.

Бо гузашти анқарид шаш моҳ аз пайдошиши ин вирус ҳануз ба ягон олим муяссар нагаштааст, ки дору барои пешгирӣ ва муолиҷаи онро таҳия кунад.

Дар Русия, тибқи маълумоти охирин, 272 ҳазор ҳолати гирифтори ба коронавирус ба қайд гирифта шудааст. Ҳамакнун аз ин беморӣ 63 ҳазор шифо ёфтаву беш аз дуним ҳазор нафар фавтидаанд.

Авохири моҳи декабр мақомоти Чин аз бурузи маризии илтиҳоби шуш бо нишонаҳои номаълум дар шаҳри Вуҳан хабар доданд.

Сипас муайян шуд, ки барангезандаи ин маризӣ коронавирус - 2019-nCoV мебошад. Нахустин мубталоёни ин вируси навро дар шаҳри Вуҳани Чин пайдо карданд. 

Вирус зуд берун аз шаҳр ва кишвар паҳн гардид.

Рӯзи 11 март Созмони Ҷаҳонии Беҳдошт хуруҷи коронавируси навро дар ҷаҳон пандемия эълон кард.

Бар пояи оморҳои ахир дар саросари ҷаҳон, беш аз 4, 6 миллион гирифтор гаштаву 1,6 миллион шифо ёфта, 309 ҳазор нафар фавтидааст.

Лентаи хабарҳо
0