Интизорӣ: Иди Рамазон кай маълум мешавад?

© © Sputnik / Амир ИсаевПраздничный намаз на Иди Курбон в Душанбе
Праздничный намаз на Иди Курбон в Душанбе - Sputnik Тоҷикистон
Обуна шудан
Мардуми Тоҷикистон дар интизори Иди Рамазон ҳастанд. Ҳамасола ин ҷашн дар Тоҷикистон бо поёни моҳи рӯзадорӣ ва гузоштани намози ид оғоз мешаваду бо таҳнияти дӯстону пайвандон идома мекунад

ДУШАНБЕ, 18 май — Sputnik. Рӯзи дақиқи Иди Рамазон рӯзи чаҳоршанбе, 20-уми май эълон хоҳад шуд.

Дар ин бора сухангӯи Кумитаи оид ба корҳои дин, танзими анъана ва ҷашну маросимҳои ҶТ Афшин Муқим ба Sputnik Тоҷикистон хабар дод.

Ба гуфти манбаъ, дар асоси тавсияи Раёсати Шӯрои уламои Маркази исломии Ҷумҳурии Тоҷикистон ва бо дарназардошти вазъи феълӣ дар рӯзи Иди саиди Фитр намози дастаҷамъонаи Ид баргузор карда намешавад.

Иди Рамазон яке аз ҷашнҳои марказии мардуми мусалмон ба шумор меравад. Тибқи тақвими мусалмонӣ рӯзҳои ид ҳарсол иваз мешаванд.

Рамазон - 2020 дар Тоҷикистон: тақвим аз аввал то охир

Рӯзҳои Идҳои Қурбон ва Рамазон аз тарафи мақомоти ваколатдори давлатӣ оид ба дин муайян карда мешаванд. Дар Тоҷикистон ин корро Шӯрои Уламои кишвар анҷом медиҳад.

Имсол моҳи шарифи Рамазон дар Тоҷикистон аз рӯзи 24 апрел оғоз шуд. Дар давоми ин моҳи муборак мусалмонон аз субҳи содиқ то фурӯ рафтани офтоб аз хӯрдану ошомидан худдорӣ мекунанд.

Лентаи хабарҳо
0