Парванда алайҳи ҷавонзане, ки шавҳарашро фиреб дод

© Sputnik / Стас ЭтвешДевушка в наручниках, архивное фото
Девушка в наручниках, архивное фото - Sputnik Тоҷикистон
Обуна шудан
Вазорати умури дохилии Тоҷикистон аз боздошти як сокини пойтахт хабар медиҳад, ки дар расонидани хабари дурӯғ муттаҳам мешавад

ДУШАНБЕ, 21 май — Sputnik. Ба иттилои манбаъ, Давлатова М сокини ноҳияи Шоҳмансур ба милисаи пойтахт хабар додааст, ки ӯро санаи 27 апрел ду нафар марди ношиноси ниқобдор дар манзили шавҳараш зери латтукӯб қарор доданд.

Машины милиции в Душанбе, архивное фото - Sputnik Тоҷикистон
Ҳамсояҷанг дар карантин: парванда алайҳи 3 зан дар Душанбе - видео

Ӯ ҳамчунин гуфтааст, ин нафарон дасту пояшро баста як миқдор маблағҳои пулӣ, ду адад телефон ва ҷавоҳироти тиллоӣ ки арзишашон ду ҳазор сомониро ташкил медиҳанд, тасарруф намуда аз ҷойи ҳодиса фирор намудаанд.

Манбаъ мегӯяд, дар пайи санҷиш муайян гаштааст, ки дар содир кардани ҷиноят дасти нафари дуввум дида намешавад ва худи ӯ дар ин кор даст дошта, бо хабари дурӯғ мехост тафтишотро ба гумроҳӣ барад.

“Дар пайи тафтишот муаян шуд ки ин кирдорро худи Давлатова М ба хотири тарсонидани шавҳараш содир кардааст”,-афзудааст манбаъ.

Гуфта мешавад, номбурда барои бовар кунонидан ҷиҳози хонаро парешон кардаву пулу телефону тилловориро пинҳон кардааст.

ВУД мегӯяд, ҳоло нисбат ба Давлатова М парвандаи ҷиноӣ барои расонидани хабари дурӯғ боз шуда, тафтишот идома дорад.

Лентаи хабарҳо
0