Врачи - Sputnik Тоҷикистон
Коронавирус дар Русия ва ҷаҳон: охирин хабару гузоришҳо
Созмони ҷаҳонии беҳдошт моҳи марти соли 2020 пандемияи коронавирус эълон кард

Хайри се вакили тоҷик аз ҳисоби маоши худ ба беморхонаҳо

© Sputnik / © Sputnik / Амир ИсаевЗдание парламента Республики Таджикистан
Здание парламента Республики Таджикистан - Sputnik Тоҷикистон
Обуна шудан
Се вакили Маҷлиси намояндагони Тоҷикистон - Ватанзода Маҳмадалӣ, Хайрулло Амонулло ва Зоир Раҳмонзода аз ҳисоби маоши худ ба табибон барои мубориза бо коронавирус кумак кардаанд

ДУШАНБЕ, 29  май — Sputnik. Вакилони мазкур аз ҳисоби маош ба беморхонаҳои ноҳияи Фархор ва оилаҳои ниёзманд 11500 дона ниқоб, беш аз 1000 дона маҳлули зиддивирусӣ, 150 баста либоси махсуси тиббӣ, дастпӯшакҳои бисёркарата, айнакҳои тиббӣ, доруворӣ ва маҳсулоти ғизоӣ кумак намуданд, хабар дод нашрияи парлумонии “Садои мардум”.

Первая сессия новоизбранного парламента РТ в 2015 году - Sputnik Тоҷикистон
Шифои академик Фелалиев, собиқ ноиби раиси парлумони Тоҷикистон аз коронавирус-акс

Манбаъ афзуд, ки инчунин бо ҷалби соҳибкорони маҳаллӣ ба 20 оилаи ниёзманд ва иддае аз сокинони деҳоти Ғайрат ва Дарқади ноҳияи Фархор маҳсулоти ниёзи аввалия, аз қабили  орд, равған, қанд, макарон, картошкаву пиёз ва ниқобҳои тиббӣ расонда шуд.

“Инчунин, аз ҷониби Раҳмонзода Зоир Файзалӣ ба сокинони ноҳияи Панҷи вилояти Хатлон кумаки тиббӣ, иборат аз 1850 ниқоб, 520 дастпӯшаки муҳофизатӣ, 690 маҳлули антисептикӣ ва дигар лавозимоти зиддивирусӣ фиристода шуд, ки дар беморхонаи марказии ноҳия, шаҳраки Панҷ, деҳоти Нури Ваҳдат, Озодагон ва ба номи Кабут Сайфиддин тақсим карда шуд.

Маҳмадалӣ Ватанзода дар парлумон, муовини якуми раиси Маҷлиси намояндагон, Хайрулло Амонулло, раиси Кумитаи Маҷлиси намояндагон оид ба энергетика, саноат, сохтмон ва коммуникатсия ва Зоир Раҳмонзода, узви Кумитаи Маҷлиси намояндагон оид ба масъалаҳои аграрӣ, захираҳои об ва замин мебошанд.

Лентаи хабарҳо
0