Паёми раиси Маҷлиси намояндагони Тоҷикистон ба ба раёсати Маҷлиси Шурои исломии Эрон

Обуна шудан
Раиси Маҷлиси Тоҷикистон дар паёме ба Муҳаммадбоқири Қолибоф интихоби вай ба раёсати Маҷлиси Шурои исломиро табрик гуфт

ДУШАНБЕ, 7 июн – Sputnik. Ба гузориши хабаргузории "Парс тудэй", раиси Маҷлиси намояндагони Тоҷикистон Муҳаммадтоҳир Зокирзода дар паёме интихоби Қолибоф ба раёсати Маҷлиси Шурои исломиро дар Эрон табрик гуфтааст.

Муҳаммадтоҳир Зокирзода бар нақши гурӯҳҳои дӯстии парлумонии Маҷлиси намояндагони Тоҷикистон ва Маҷлиси Ҷумҳурии Исломии Эрон дар тавсеаи ҳамкориҳои ду кишвар таъкид кардааст.

"Умедворам фаолияти ҷаноби олӣ ба унвони раиси Маҷлиси Шурои исломии Ҷумҳурии Исломии Эрон, муҷиби таҳким ва густариши муносиботи дӯстонаи ду кишвари ҳамфарҳанг ва ҳамзабони Тоҷикистон ва Эрон дар ҳавзаҳои мухталиф шавад", - омадааст дар паёми табрикотӣ.
Заведующая сектором Центра постсоветских исследований Института экономики РАН Елена Кузьмина - Sputnik Тоҷикистон
Кузмина: кушодашавии транзит тавассути Эрон масири лоҷувардӣ барои Тоҷикистон хоҳад буд

Дар ин росто, нақши гурӯҳҳои дӯстии парлумонии Маҷлиси намояндагони Маҷлиси олии Ҷумҳури Тоҷикистон ва Маҷлиси Шурои исломии Ҷумҳурии Исломии Эрон дар тавсеаи ҳамкории парлумонии ду кишвар, муҳим арзёбӣ мешавад, афзудааст Зокирзода.

"Умедворам ҳамдилӣ, бародарӣ, сулҳ ва субот дар минтақа, аз аҳдофи муштарак ва муҳими ҳамкории ду кишвари дӯст ва бародар бошад", - гуфтааст раиси Маҷлиси намояндагони Тоҷикистон дар анҷом.

Тоҷикистон хоҳони ҳамкории бештар бо федератсияи бадминтони Эрон шудааст

 

Лентаи хабарҳо
0