Врачи - Sputnik Тоҷикистон
Коронавирус дар Русия ва ҷаҳон: охирин хабару гузоришҳо
Созмони ҷаҳонии беҳдошт моҳи марти соли 2020 пандемияи коронавирус эълон кард

"Дасти ман кӯтоҳ аст": суҳбати Ёдгор Файзов аз тамдиди қарантина то қарзи бонкҳо

© дафтари матбуоти Ҳукумати ВМКБЁдгор Файзов, раиси Вилояти Мухтори Куҳистони Бадахшон
Ёдгор Файзов, раиси Вилояти Мухтори Куҳистони Бадахшон - Sputnik Тоҷикистон
Обуна шудан
Ситоди ҷумҳуриявии ҷилавгирӣ аз густариши "вируси корона" ё COVID-19 бо раҳбарии Қоҳир Расулзода, сарвазири Тоҷикистон, ҳанӯз 6 июн эълон карда буд, ки аз 15 июн дар кишвар ташкилоту муассисаҳои хизматрасонӣ ба фаъолият оғоз менамоянд

ДУШАНБЕ, 16 июн — Sputnik. Ҳоло тамоми бозору марокизи хизматрасонӣ, шурӯъ аз сартарошхона то тарабхонаву осоишгоҳҳо дар саросари кишвар кори худро аз сар гирифтанд, ба истиснои Вилояти Мухтори Кӯҳистони Бадахшон. Ҳукумати ин вилоят ба ин натиҷа расидааст, ки қарантинаро то 20 июн тамдид кунад.

Врачи госпиталя для зараженных коронавирусной инфекцией COVID-19 - Sputnik Тоҷикистон
Табибони лаҳистонӣ барои табобати бемории вируси корона ба шаҳри Хоруғ сафар караданд

Sputnik Тоҷикистон бо раиси вилоят Ёдгор Файзов тамоси телефонӣ гирифта, нахуст сабаби тамдид шудани қарантина дар вилоятро пурсид.

- Мо вазъи эпидемилогиро як бор баррасӣ кардем. Масалан, дирӯз 13 мариз ба Шифохонаи вилоятии Бадахшон ворид шуданд, аз ҷумла 9 нафар аз шаҳри Хоруғ. Албатта, ин нисбат ба он рӯзҳое, ки 50 – ву 70 нафар меомаданд, кам аст, аммо 9 нафар барои шаҳри хурде, назири Хоруғ, аз нуқтаи назари табибон ҳанӯз рақами калон аст. Аз ҳамин хотир, ба ин натиҷа расидем, ки то 20 июн мунтазир монем, то рақамҳо поён оянд. 

Файзов аз коҳиш ёфтани теъдоди дардмандони коронавирус дар Бадахшон гуфт

Агар қарантина ҳам бардошта шавад, оё вилоят омода аст?

- Ҳар чӣ дар тавон дорем, карда истодаем. Фурсатро бояд истифода бурд. Ҳоло бо иттифоқи мақомоту ризокорон ба марокизи хизматрасониву бозорҳо рафта, мағоза ба мағоза мегардем ва инро меомӯзем, ки омодагиҳо чӣ туранд. Оё ҳароратсанҷу маводи антисептикӣ ва ниқобу дигар заруриёти гигиениро фароҳам кардаанд, ё хайр? Инро ҳам мефаҳмонем, ки вақте ҳама боз шуд, дар дӯкон бояд чанд нафар ҳузур дошта бошад. Ё замони қарантина дар назди мағозаҳои фурӯши молҳои саноатӣ ғуфраҳои меваву сабзавотфурӯширо ҷой карда будем. Агар мағозаҳо боз шаванд, ин ғуфраҳоро бояд ба ҷои дигар кӯчонд. Аз сӯи дигар, кӯшиш дорем нуқтаҳои фурӯшро тарзе ҷой кунем, ки издиҳом ба вуҷуд наояд. Хуллас, кор бисёр аст.

Вид на город Хорог, ГБАО. Архивное фото. - Sputnik Тоҷикистон
Бе фоида ва ҳатто зарар: дарсҳои бадахшонии “вируси корона”

Гуфтед, ки теъдоди маризон коҳиш ёбад, қарантина лағв мешавад. Агар нашуд?

- Агар вазъ беҳбуд наёбад, дигарбора тамдид мекунем. Умедворем, ки то 20 июн теъдоди маризон ҳадди ақал то ду – се нафар коҳиш меёбад.

- Дар урфият мегӯянд, кор набошад, нон ҳам нест. Кисаи мардум зарар намебинад?

- Мо инро дарк мекунем, ки мардум бояд кор кунанд. Бархе қарз гирифтаанд. Ё зиндагии баъзе аз паси ҳамон сартарошхона, кошонаи ҳусн, ошхона ё тиҷорат аст. Ин тарафро ҳам хуб мефаҳмем. Ҳама талош ҳам барои ин аст, ки вазъи эпидемиологӣ ба эътидол ояду мардум пушти кору бор ва зиндагӣ шаванд. Аммо агар вазъ беҳбуд наёбад, саломатии мардум муҳимтар аст. Коре кунем, ки на сих сӯзаду на кабоб.

Ҳамдардӣ, ояи Қуръонӣ ва ёдоварӣ аз солҳои 90-ум: табрикоти Файзов ба муносибати иди Фитр

- Ҷаноби раис, дар бораи қарз гуфтед. Мардуми оддӣ ва тоҷирон аз бонкҳо қарздоранд. Оё эҷоди сабукӣ барои онҳоро бо бонкҳо ба баррасӣ гирифтаед?

Тест на коронавирус - Sputnik Тоҷикистон
15 гирифтори COVID - 19 дар ноҳияи Рӯшон: президент кумак фиристод

- Масъалаи қарзи бонкҳо дар ихтиёр ё зӯру тавони мо – ҳукуматҳои вилоятҳо ва ҳам шӯъбаҳои маҳаллии бонкҳо нест. Гап дар сарбонкҳо ва масъала ҳам умумиҷумҳуриявӣ аст. Дар ҷаласаҳои ҳукуматӣ мо ин мавзӯъҳоро матраҳ мекунем, ки қарзҳо лағв шаванд, ё имтиёзҳое дода шавад, ки тоҷирону қарздорон азият накашанд, кор кунанд. Ҳоло вазъи иқтисодии тамоми кишвар вазнин аст. Вазъи Бадахшон дар қиёс бо дигар вилоёти кишвар ба хотири мавқеияти ҷуғрофӣ ва дурӣ аз марказу хатҳои роҳи оҳан боз вазнинтар аст. Агар ҳамчунин як имтиёзҳо аз сӯи бонкҳо дода шавад, мо истиқбол мекунем.

- Оё дар ин мавзӯъ мардум ё соҳибкорон ба Шумо муроҷиат мекунанд?

- Бале, дар ин маврид муроҷиатҳои зиёд ба дасти мо мерасанд. Ба номи худам ҳам як гурӯҳ шаҳрвандон муроҷиат карданд. Аммо дар ин боб дасти ман кӯтоҳ аст. Коре, ки ман, минҳайси раиси вилоят метавонам анҷом диҳам, расонидани арзу доди мардум аст. Бе ман ҳам дар марказ вазъро хуб мефаҳманд ва чораандешӣ мекунанд. Умед дорам, ки ҳукумати Тоҷикистон рӯзҳои наздик ягон иқдом хоҳад кард.

Лентаи хабарҳо
0