Врачи - Sputnik Тоҷикистон
Коронавирус дар Русия ва ҷаҳон: охирин хабару гузоришҳо
Созмони ҷаҳонии беҳдошт моҳи марти соли 2020 пандемияи коронавирус эълон кард

Афзоиши фавт аз коронавирус дар Қирғизистон: 45 мариз дар ҳолати вазнин қарор доранд

Дар Қирғизистон теъдоди умумии қурбониёни маризии коронавирус ба 41 нафар расид. Алъон вазъи 45 бемор вазнин арзёбӣ мешавад

ДУШАНБЕ, 23 июн — Sputnik. Дар Қирғизистон 3519 нафар мубталои коронавирус буда, ҳамзамон 41 мариз ҷон аз даст доданду беш аз 2 ҳазор дардманд шифо ёфтанд.

Врачи в госпитале для лечения больных COVID-19, архивное фото - Sputnik Тоҷикистон
Омори нохушоянди коронавирус дар Қирғизистон: ду фавт ва 170 ҳолати нав

Вазорати тандурустии ин кишвар мегӯяд, ҳоло дар муассисаҳои беҳдоштӣ 45 нафар маризони коронавирус дар ҳолати вазнин қарор доранд.

"Чилу панҷ нафар дар ҳолати вазнин қарор доранданд, даҳ нафари онҳо дар шӯъбаи эҳёгарӣ мебошанд. Ҳамчунин вазъи 174 бемор миёна ва 388 нафар қаноатбахш арзёбӣ мешавад", - таъкид гардидааст дар хабари вазорат.

Фавти сокини 36 - солаи Қирғизистон аз коронавирус: дар бозор меваю сабзавот мефурӯхт

Зимнан, ситоди фаврии ҷумҳуриявӣ хабар додааст, ки ба қарантини хонагӣ 817 нафар гирифта шуданд ва бемории онҳо бидуни ягон аломат ҷараён доорад.

Қобили зикр аст, ки вақтҳои охир дар Қирғизистон паҳншавии маризии коронавирус рӯ ба афзоиш ниҳодаст.

Чанд рӯзи охир аз 87 то 192 ҳолати сироятшавӣ дар шабонарӯз ба қайд гирифта шудааст. Рӯзи 22 - июн бошад шумораи рекордӣ - 205 ҳолат ошкор гардид.

Дар чандин манотиқи Қирғизистон пас аз бардоштани маҳдудиятҳо бо якбора бад шудани авзоъ боз ҷорӣ карда шуданд.

Лентаи хабарҳо
0
Нахуст ҷадидҳоНахуст кӯҳнаҳо
loader
Дар нашр
Заголовок открываемого материала