Аз тағйироти кадрӣ то илова ба кодексу қонунҳо: ҷаласаи Шӯрои Маҷлиси миллӣ

© котиботи Маҷлиси миллии ТоҷикистонҶаласаи Шӯрои Маҷлиси миллии Тоҷикистон таҳти раёсати Рустами Эмомалӣ
Ҷаласаи Шӯрои Маҷлиси миллии Тоҷикистон таҳти раёсати Рустами Эмомалӣ  - Sputnik Тоҷикистон
Обуна шудан
Рустами Эмомалӣ, шаҳрдори Душанбе ва раиси Маҷлиси миллии Тоҷикистон, имрӯз ҷаласаи Шӯрои палатаи болоии парлумонро баргузор кард, ки зимни он баробари тағйиру иловаҳо ба кодексу қонунҳо тағйироти кадрӣ дар мақомоти додгоҳӣ баррасӣ шуд

ДУШАНБЕ, 25 июн — Sputnik. Тибқи иттилои котиботи Маҷлиси миллӣ, аъзои Шӯро 33 масъала, аз ҷумла, қонун "Дар бораи ёрии ҳуқуқӣ" ва тағйиру иловаҳо ба Кодекси мурофиаи ҳуқуқвайронкунии маъмурӣ, Кодекси мурофиавии ҷиноятӣ, Кодекси мурофиавии гражданӣ ва Кодекси андози Тоҷикистонро баррасӣ карданд. 

Девушка в защитной маске - Sputnik Тоҷикистон
Ҷарима барои ниқобу дурӯғ: чӣ, кай ва дар куҷо? - муфассал

Манбаъ афзуд, тағйиру иловаҳо ба як зумра кодексу қонунҳои Тоҷикистон ба рӯзномаи иҷлосияи дуюми Маҷлиси миллии Тоҷикистон даъвати шашум, ки 26-уми июни соли 2020 баргузор мегардад, пешниҳод гардиданд.

Даргузашти генерал Шамсзода, собиқ вакилу ноиби вазир-акс

Тибқи рӯзномаи ҷаласа, аъзои Шӯрои Маҷлиси миллӣ лоиҳаи қарорҳо дар бораи бозхонд ва интихоб намудани судяҳои Суди Олии Тоҷикистон, интихоби машваратчиёни халқии Суди Олии Тоҷикистон барои солҳои 2020-2025 ва интихоби намояндаи Маҷлиси миллӣ дар Суди конститутсионии Тоҷикистонро баррасӣ намуданд.

Мэр Душанбе Рустам Эмомали  - Sputnik Тоҷикистон
Ҷонибдории Ҳукумату даъвати Рустами Эмомалӣ ба ҷаласаи дуюм: ҷаримаҳо баррасӣ мешаванд?

Инчунин, дар Шӯро, Нақшаи амали Маҷлиси миллӣ барои солҳои 2020-2025, Низомнома дар бораи шаҳодатнома ва нишони сарисинагии узви Маҷлиси миллии Маҷлиси Олии Ҷумҳурии Тоҷикистон, намуна ва тавсифи онҳо, Низомнома дар бораи шаҳодатномаи раис, муовинон ва судяҳои Суди Олӣ ва Суди Олии иқтисодии Ҷумҳурии Тоҷикистон, намуна ва тавсифи он, Низомнома дар бораи шаҳодатномаи хизматии хизматчиёни давлатӣ ва граждании Дастгоҳи Маҷлиси миллии Маҷлиси Олии Ҷумҳурии Тоҷикистон, намуна ва тавсифи он, баррасӣ ва барои тасдиқ ба ҷаласаи Маҷлиси миллӣ пешниҳод гардидаанд.

Лентаи хабарҳо
0