Раҷаббой Аҳмадзода ба аёдати собиқ нахуствазири Тоҷикистон Оқил Оқилов рафт

Раиси вилояти Суғд ба шаҳри Бӯстон рафта, ходими намоёни давлатию ҷамъиятӣ, собиқ Сарвазири Тоҷикистон Оқил Оқиловро аёдат карда, ба ӯ туҳфаҳо тақдим намуд

ДУШАНБЕ, 28 июн — Sputnik. Ахиран Раҷаббой Аҳмадзода, раиси вилояти Суғд дар доираи сафари корӣ ба шаҳри Бӯстон роҳбари вилоят ходими намоёни давлатию ҷамъиятӣ, собиқ Сарвазири Ҷумҳурии Тоҷикистон Оқил Оқиловро аёдат намуд.

Ахмадзода посетил родственников умерших от пневмонии  - Sputnik Тоҷикистон
Аҳмадзода барои таслият ба хонаводаҳои аз "илтиҳоби шуш" фавтидагон рафт

Дар ин бора дафтари матбуоти ҳукумати вилояти Суғд хабар додааст.

Бино бар иттилои манбаъ, зимни суҳбат Раҷаббой Аҳмадзода аз саҳми шоиста ва назарраси Оқил Оқилов дар пешрафту шукуфоии Тоҷикистон ёдовар шуда, зикр дошт, ки давлату Ҳукумати кишвар ҳамеша дар меҳвари фаъолияти худ ғамхориву пуштибонии пирони хирад, собиқадорону дигар қишри ҷомеаро қарор додааст.

Дар фарҷоми суҳбат ходими намоёни давлативу ҷамъиятӣ Оқил Оқилов изҳори сипоси худро ба Мақомоти вилояти Суғд баён намудааст.

Манбаъ таъкид доштааст, ки раиси вилояти Суғд бахшида ба Рӯзи Ваҳдати миллӣ дар як қатор шаҳру ноҳияҳои вилоят собиқадорони меҳнат, пирони хирад ва шахсони барӯмандро аёдат намуда, ба онҳо туҳфаҳои идона тақдим кард.

Лентаи хабарҳо
0
Нахуст ҷадидҳоНахуст кӯҳнаҳо
loader
Дар нашр
Заголовок открываемого материала