Ҷасади як ноболиғи дар ноҳияи Рӯдакӣ ғарқшуда пас аз се рӯз дар ноҳияи Шаҳритус пайдо шуд

© Sputnik / Стас ЭтвешТонущий человек, архивное фото
Тонущий человек, архивное фото  - Sputnik Тоҷикистон
Кумитаи ҳолатҳои фавқулоддаи Тоҷикистон хабар дод, ҷасади як ноболиғе, ки дар қаламрави ноҳияи Рӯдакӣ ғарқшуда буд, ахиран дар ноҳияи Шаҳритус пайдо шуд

ДУШАНБЕ, 30 июн — Sputnik. Бино бар иттилои дафтари матбуоти Кумитаи ҳолатҳои фавқулоддаи Тоҷикистон, ҷасади як ноболиғе, ки ҳангоми оббозӣ дар қаламрави ноҳияи Рӯдакӣ, дар дарёи Кофарниҳон ғарқ шуда буд, баъди се рӯзи ҷустуҷӯҳои пайваста билохира дар ҳудуди ноҳияи Шаҳритус пайдо шуд.

Тонущий человек, архивное фото - Sputnik Тоҷикистон
Духтари 19-сола аз марг наҷот ёфт: ӯ гуфт ба сабаби муноқишаи оилавӣ мехост худкушӣ кунад

Тибқи иттилои манбаъ, ҷасадро оби пурхӯрӯш дар қаламрави деҳаи Ленинободи ҷамоати деҳоти Худойназар Холматов ба соҳил партов кард ва моҳидорони минтақа ӯро пайдо намуданд.

Ёдрас мешавем, ки дар ноҳияи Рӯдакӣ нисфирӯзии 26 июни соли равон як ноболиғи 11-сола, истиқоматкунандаи деҳаи Чорсӯи ҷамоати деҳоти Чоргултеппаи ноҳияи Рӯдакӣ аз беназоратии волидон ва беэҳтиётии худ ҳангоми оббозӣ дар дарёи Кофарниҳон ғарқ шуда буд.

Ду рӯзи аввали ҷустуҷӯ натиҷа надод ва бино ба хабари сардори шӯъбаи Кумитаи ҳолаҳои фавқулодда ва мудофиаи гражданӣ дар ноҳияи Рӯдакӣ бегоҳии рӯзи 28-уми июн, тахминан соати 18:00 ҷасади марҳумро дар қаламрави деҳаи Ленинобод, ҷамоати деҳоти Худойназар Холматови ноҳияи Шаҳритус моҳидорон пайдо карданд ва ба хешовандонаш супурданд.

Лентаи хабарҳо
0
Нахуст ҷадидҳоНахуст кӯҳнаҳо
loader
Дар нашр
Заголовок открываемого материала