Раъйгирии хос дар Душанбе: таҳти қавоиди шадиди гигенӣ ва ҳавои гарм

© Sputnik / Павел Лисицын / Гузаштан ба хазинаи аксГолосование по внесению поправок в Конституцию РФ в регионах России
Голосование по внесению поправок в Конституцию РФ в регионах России - Sputnik Тоҷикистон
То соати 7.30 ба вақти Душанбе ҳудуди 3580 шаҳрванди Русия дар Тоҷикистон ба қитъаҳои интихоботӣ ҳозир шуда, раъй доданд. Раъйгирӣ соати 6 – и субҳи имрӯз оғоз шуд

ДУШАНБЕ, 1 июл — Sputnik. Шамил Шамсутдинов, раиси комиссияи қитъаи интихоботии №8278 – и Комиссияи маркази интихоботии Федератсияи Русия, ки дар сафорати ин кишвар дар Тоҷикистон мустақар аст, ба хабарнигорон гуфт, ки раъйгирӣ ба таври ҷиддӣ ва бо ширкати фаъоли раъйдиҳандагон идома дорад.

Российские военнослужащие в Таджикистане приступили к голосованию за поправки в Конституцию РФ - Sputnik Тоҷикистон
Овоздиҳӣ дар Тоҷикистон барои тағйири конститутсияи Русия- видео

“Дар остонаи рӯзи раъйгирӣ ҳамватанон мо, ки дар Ҷумҳурии Тоҷикистон ҳастанд, бисёр фаъолона бо мо тамос гирифта, суолҳои худро матраҳ карданд. Бо вуҷуди ҳавои гарм, шаҳрвандони Русия дар Тоҷикистон бисёр фаъол ҳастанд. Танҳо мавриде, ки бояд дар назар гирифта шавад, тавсияҳои “Роспотребнадзор” – идораи беҳдошти Русия - дар мавриди меъёрҳои беҳдоштӣ ва эпидемиологии муртабит бо пандемияи “вируси корона” аст”, - гуфт Шамил Шамсутдинов.

Тибқи талаботи беҳдоштӣ ва эпидемиологие, ки аз сӯи “Роспотребнадзор” ва Комиссияи маркази интихоботии Русия ҷорӣ шудааст, ҳарорати бадани ҳар як шаҳрванди барои раъйгирӣ омада аз фосила баррасӣ ва барои муҳофизати ӯ ва дигарон ниқобу дасткаш дода мешавад.

Ҳамчунин бо риояи фосила ба дохили утоқи раъйгирӣ меравад ва раъй медиҳад.

“Албатта, ин амр нақши худро дар раъйгирӣ ба ҷо хоҳад гузошт. Бар ин асос, ман метарсам, ки эҳтимолан наметавонем ҳамаро бипазирем. Саломатии шаҳрвандон беш аз ҳама аҳамият дорад” - гуфт Шамил Шамсутдинов.

Бо тавсияи “Роспотребнадзор” ин дафъа раъйгирии қабл аз вақт ҳам сурат гирифт. Дар Тоҷикистон низ аз ин ҳақ истифода карданд. Кормандони муассисоти хориҷии Русия, ки дар Тоҷикистон кор мекунанд, аъзои хонаводаи онҳо ва низомиёни Русия аз 25 то 29 июл раъй доданд.

Обращение Владимира Путина - Sputnik Тоҷикистон
Муроҷиати Путин ба мардуми Русия - анҷоми пахши мустақим

Раъйпурсии умумирусиягӣ дар мавриди ислоҳот дар Қонуни асосии Федератсияи Русия барои 22 апрел барномарезӣ шуда буд, аммо ба далели бемории ҳамагири “вируси корона” дар кишвар ба таъвиқ афтод.

Баъдан Владимир Путин, раисҷумҳури Русия фармони таърихи нави раъйгириро барои 1 июл имзо кард. Бо таваҷҷуҳ ба вазъияти эпидемиологӣ ва эминии ҷамъият тасмим гирифта шуд, ки мардуми Русия битавонанд дар кулли ҳафта - аз 25 июн то 1 июл - раъй диҳанд.

Дар Тоҷикистон 6 қитъаи интихоботӣ - 3 қитъа дар Душанбе (як қитъа дар сафорат ва дуи дигар дар қаламрави пойгоҳи низомии 201) ва якқитъаӣ дар Бохтар, Норак ва Хуҷанд амал мекунанд.

Лентаи хабарҳо
0
Нахуст ҷадидҳоНахуст кӯҳнаҳо
loader
Дар нашр
Заголовок открываемого материала