Врачи - Sputnik Тоҷикистон
Коронавирус дар Русия ва ҷаҳон: охирин хабару гузоришҳо
Созмони ҷаҳонии беҳдошт моҳи марти соли 2020 пандемияи коронавирус эълон кард

Суғуртаи “вируси корона”: чанд кас пули суғурта гирифт?

© Sputnik / СтрингерТаджикские денежные знаки Сомони
Таджикские денежные знаки Сомони - Sputnik Тоҷикистон
Обуна шудан
“Тоҷиксуғурта” ба чор нафар барои маризӣ аз “вируси корона” пули суғурта додааст гуфт, муовини аввали раиси корхонаи воҳиди давлатии “Тоҷиксуғурта”

ДУШАНБЕ, 20 июл — Sputnik. Абдулло Абдуллоев, муовини аввали раиси корхонаи воҳиди давлатии “Тоҷиксуғурта”, дар нишасти матбуотӣ гуфт, ба ду нафар – як муовини сардори раёсат ва як корманди тиббии вазорати корҳои дохилӣ ва ҳам ду корманди ҳукуматҳои навоҳӣ ба ҳар яке аз онҳо ба маблағи 5 800 сомонӣ суғуртапулӣ додаанд.

"Инҳо бо мо шартнома баста, суғурта шуда буданд. Аз ин хотир, мо ба онҳо маблағи суғуртаашонро пардохт кардем”, - гуфт Абдулло Абдуллоев.

Дар ҳамин ҳол, муовини аввали раиси “Тоҷиксуғурта”, ин ниҳод дар дастуруламал ва қоидаи суғуртаи худ тағйирот ворид намуда, маризии марбут ба пандемияро ҳамчун ҳодисаи суғуртавӣ ворид намудааст.

Машинка и деньги - Sputnik Тоҷикистон
Мошинро дар куҷо суғурта кунем?: монополияи ширкатҳои давлатии суғурта аз байн меравад

"Бо бонки миллии Тоҷикистон инро ба мувофиқа расонидем. То пайдо шудан ин маризӣ ҳодисаи суғуртавӣ ҳисобида намешуд. Маризиҳои сироятӣ умуман ҳодисаи суғуртавӣ ҳисобида намешуд. Мо ҳам ба хотири саҳм гирифтан дар ин маъракаи мубориза ва дастгирӣ кардани мардум онро ҳодисаи суғуртавӣ қабул кардем”, - гуфт Абдулло Абдуллоев.

Мавсуф дар шарҳи ин, ки шароити суғурта кардан чӣ гуна хоҳад буд, гуфт, ҳар кас метавонад худро суғурта кунад ва дар ҳолати зарурӣ аз “Тоҷиксуғурта” маблағ дарёфт намояд.

"Агар ба 100 сомонӣ худро суғурта кунад, ҳудуди 1000, агар 200 сомонӣ – 2 ҳазор ва ба ҳамин тартиб, маблағ ҳар чӣ бештар мешавад, пули суғурта ҳам афзоиш меёбад”, - гуфт Абдулло Абдуллоев.

Тибқи иттилои “Тоҷиксуғурта”, тайи ним соли гузашта ин корхона ба 5 ҳазору 439 нафар зарардида ҷуброни суғуртавиро ба маблағи 2 миллиону 422, 2 ҳазор сомонӣ пардохт намудааст, ки 17,4 фоизи маблағи умумии ҳаққи суғуртавии воридгардидаро ташкил дода, 441, 5 ҳазор сомониаш аз ҳисоби суғуртаи ҳатмӣ ва 1 миллиону 980,7 ҳазор сомонӣ аз ҳисоби суғуртаи ихтиёрӣ аст.

Лентаи хабарҳо
0