Боз як гирифтори коронавирус дар Тоҷикистон даргузашт - омори нави вазорат

© AP / Alberto SaizВрач в защитном костюме
Врач в защитном костюме - Sputnik Тоҷикистон
Обуна шудан
Шумораи гирифторони коронавируси навъи нав дар Тоҷикистон бештар шуд. Вазорати тандурустии Тоҷикистон омори нави сироят, шифо ва марг аз КОВИД - 19-ро нашр кард

ДУШАНБЕ, 22 июл - Sputnik. Шабонарӯзи гузашта дар Ҷумҳурии Тоҷикистон 48 ҳолати нави сироятёбӣ ба COVID-19 ва 1 фавт ба қайд гирифта шуд, хабар медиҳад Вазорати тандурустии кишвар бо нашри омори нав.

Глава Нацбанка Таджикистана Джамшед Нурмахмадзода - Sputnik Тоҷикистон
Ҷамшед Нурмаҳмадзода: коронавирус низоми бонкии кишварро ба мушкилоти зиёд рӯ ба рӯ кард

Бино ба иттилои манбаъ, дар муддати аз 30 апрел то 22 июл дар кишвар шумораи гирифторони COVID-19 ба 7015 нафар расида, аз ин беморӣ то кунун дар мамлакат 5741 нафар ё худ 81,8%-и гирифторон шифо ёфтаанд. Ҳамзамон, дар ин муддат шумораи ҳолатҳои фавт аз бемории мазкур дар мамлакат ба 58 нафар расид.

Вазорати тандурустӣ ва ҳифзи иҷтимоии аҳолии мамлакат ҳамчунин хабар медиҳад, ки давоми шабонарӯзи охир 142 нафар гумонбарон зери назорати табибон қарор дошта, 58 нафар баъд аз муолиҷа ба хонаҳояшон рухсат дода шуданд.

Бояд гуфт, ки Ҳукумати Ҷумҳурии Тоҷикистон ҷиҳати пешгирӣ ва табобати коронавируси нави CОVID-19 тамоми тадбир ва чораҳои заруриро амалӣ намуда истодааст.

Коронавирус ба музокироти марзии Тоҷикистону Қирғизистон таъсир расонд

Имрӯзҳо дар 85 беморхонаи ҷумҳурӣ зиёда аз 7 ҳазору 500 табиб ва 25 ҳазор корманди миёнаи тиб сафарбар шудаанд. Ба ғайр аз ин, дар муассисаҳои кумаки аввалияи тиббию санитарии ҷумҳурӣ 7 ҳазору 600 табиб ва зиёда аз 24 ҳазор корманди миёнаи соҳаи тиб бо мақсади дарёфт, пешгирӣ ва расонидани кумаки аввалия ба мардум хизмат мерасонанд.

 

Лентаи хабарҳо
0