Эмомалӣ Раҳмон, раисҷумҳури Тоҷикистон ҳангоми сафараш ба ноҳияи Рӯдакӣ дар деҳаи Фалакон ба хонаводаи яке аз сокинон "меҳмон" шудааст.
Раисҷумҳур ба хонаводаи Усмоновҳо ташриф оварда, аз замини наздиҳавлигии хонавода боздид ба амал оварда, бо тарзи истифодаи пурсамару оқилонаи замин ва вазъи зиндагии ин оилаи намунавӣ аз наздик шинос шуданд.
"Эмомалӣ Раҳмон дар ҳамин ҷо бо занону бонувони ҳунарманди деҳа, ки ба пӯхтани нонҳои лазиз, коркарди хонагии меваю сабзавот ва захираи зарурии маводи ғизоӣ барои зимистон машғул буданд,суҳбати самимӣ анҷом дод", - менависад дафтари матбуоти президент.
Эмомалӣ Раҳмон ба аҳли оилаи Усмоновҳо барои истифодаи пурсамари замин ва саҳм гузоштан дар фаровонии бозори истеъмолии мамлакат ашёи рӯзғор, аз ҷумла яхдон, телевизиор, компютер, мошинаи дарздӯзӣ, бастаи китобҳои бадеӣ ва дигар туҳфаҳои арзишманд тақдим намудааст.
