Мактаби нав дар Данғара: мақомот гуфт барои сохтмони он чанд миллион сомонӣ сарф шуд

Обуна шудан
Раиси вилоят Қурбон Ҳакимзода, Ёрдамчии Президенти Тоҷикистон Асадулло Раҳмон, вазири маориф ва илм Маҳмадюсуф Имомзода, раиси ноҳияи Данғара Исломиддин Раҳмон имрӯз дармаросими ифтитоҳи панҷумин мактаб ширкат варзиданд

ДУШАНБЕ, 1 авг — Sputnik. Бино бар иттилои дафтари матбуоти мақомоти вилояти Хатлон, муассисаи таҳсилоти миёнаи умумии №45-и деҳаи Шаршари Ҷамоати деҳоти "Пушинг" бо маблағгузории Ҳукумати Тоҷикистон дар заминаи муассисаи таҳсилоти миёнаи умумии рақами 45 сохта шуд.

Министр финансов республики Таджикистан Файзиддин Каххорзода - Sputnik Тоҷикистон
Ҷалби қариб ним миллиард қарзу грант барои бунёди 68 мактаб дар Тоҷикистон

Манбаъ қайд кардааст, ки маблағи лоиҳавии иншоот 3,5 миллион сомониро ташкил додааст.

Масоҳати умумии замини мактаб 1,37 гектарро ташкил дода ва он дар маркази деҳа сохта шудааст.

Мактаб барои 240 нафар хонанда дар як баст пешбинӣ гардида, аз ду ошёна иборат мебошад. Муассисаи мазкур дорои 14 утоқ, аз ҷумла 10 синфхона, синфхонаи муҷаҳҳаз бо 12 адад компютер, китобхона ва майдончаи варзишӣ иборат мебошад.

Гуфта шудааст, ки ҳамаи синфхонаҳо бо ашёи зарурии хониш, мизу курсиҳо ва асбоби аёнӣ муҷаҳҳаз гардидааст.

Лентаи хабарҳо
0