Гулчине аз ҳаёту эҷодиёти устод Гулназар Келдӣ-тасвирбаён

Гулназар Келдӣ, шоири халқии Тоҷикистон ва яке аз пешоҳангони адабиёти муосири тоҷик 13 август дунёро падрӯд гуфт. Sputnik нуктаҳои муҳими ҳаёту эҷодиёти Келдиро дар тасвирбаёне гирд овард

Гулназар Келдӣ, муаллифи суруди миллии Тоҷикистон 20 сентябри соли 1945 дар ноҳияи Айнӣ таваллуд шуда, пеш аз зуҳри 13 август дар Душанбе ҷон ба ҷонофарин супурд.

Президент Таджикистана Эмомали Рахмон - Sputnik Тоҷикистон
Таассуфи Раҳмон аз даргузашти Гулназар Келдӣ ва изҳори ҳамдардии ӯ ба хонаводаи марҳум

Келдӣ, ки то 75-солагияш ҳудуди як моҳ монда буд, аз худ осори гаронбаҳо боқӣ гузошт. Ӯ барандаи ҷоизаи давлатии Тоҷикистон ба номи Абӯабдуллоҳи Рӯдакӣ (1994), Ҷоизаи Комсомоли Тоҷикистон, Ҷоизаи ба номи М. Турсунзода ва унвони шоири халқии Тоҷикистон (1995) мебошад.

 "Расми сарбозӣ" - нахустин маҷмӯаи шеърҳои ӯ соли 1969 чоп шудааст.

"Дастархон" (1972), "Нордбон" (1975), "Ағба" (1978), "Паҳно" (1981), "Лангар" (1983), "Пайи дарё" (1985), "Чашми нигин" (1988), "Табхола" (1992 г.), “Туву хубиву раъноӣ” маҳсули фаъолияти беш аз нимасраи ӯ мебошанд. Маҷмӯаҳои вай ба забони русӣ бо номи "Звезда Улугбека" (1981) ва "Безымянный родник" (1986) дар нашриёти "Советский писатель" – и Русия ва "Тень тутовника" (1989) дар Душанбе чоп шудаанд. Осори ӯ дар Афғонистону Эрон ва дигар кишварҳо низ ба нашр расидаанд.

Лентаи хабарҳо
0
Нахуст ҷадидҳоНахуст кӯҳнаҳо
loader
Дар нашр
Заголовок открываемого материала