Бозори ниммиллиардии дору дар Тоҷикистон: 90 фоиз аз хориҷ ворид мешавад

© Sputnik / © Sputnik / Амир ИсаевЛекарства в аптеке Душанбе
Лекарства в аптеке Душанбе - Sputnik Тоҷикистон
Обуна шудан
Эмомалӣ Раҳмон, раисиҷумҳури Тоҷикистон, пойбандии бозори дорувории кишварро ба хориҷа таъкид карда, дастур дод, ки барномаи махсуси рушди дорусозӣ қабул гардад

ДУШАНБЕ, 18 авг — Sputnik.  Барномаи миёнамуҳлати рушди саноати дорусозӣ ва тиббӣ Ҷумҳурии Тоҷикистон барои солҳои 2021 – 2025 таҳия ва барои баррасӣ ба Ҳукумати кишвар пешниҳод карда шавад, дастур дод Эмомалӣ Раҳмон дар мулоқот бо кормандони тиб.

Тақдими мукофоти давлатӣ ба кормандони тандурустӣ аз ҷониби Эмомалӣ Раҳмон, раисиҷумҳури Тоҷикистон - Sputnik Тоҷикистон
Раҳмон ба 53 қаҳрамони мубориза бо коронавирус мукофоти давлатӣ дод

Раисиҷумҳури Тоҷикистон иттилоъ дод, ки маблағи умумии воридоти доруворӣ ва молҳои тиббӣ соли 2019 -ум 531 миллион сомониро ташкил додааст, ки дар муқоиса бо соли 2018 -ум 13 миллион сомонӣ зиёд мебошад.

То ба имрӯз беш аз 90 фоизи доруворӣ ба Тоҷикистон аз хориҷи кишвар ворид карда мешавад, таъкид кард раисиҷумҳур.

Ӯ зикр намуд, ки номгӯи дорувориҳои дар кишвар истеҳсолшаванда афзуда, аз 88 номгӯйи соли 2015 дар соли 2020 то 404 номгӯй расидааст, вале ин ҳоло ҳам кам мебошад.

Ба гуфтаи раисиҷумҳур, дар Тоҷикистон зиёда аз 3500 навъи гиёҳҳои шифобахш ва садҳо сарчашмаи обҳои гарми табобатӣ мавҷуданд. Вале то ба имрӯз истифода аз ин неъматҳои табиӣ, аз ҷумла коркарди гиёҳҳои шифобахш дар сатҳи ғайриқаноатбахш қарор дорад, изҳор дошт Эмомалӣ Раҳмон ва барои ислоҳи вазъ дастур дод.

Лентаи хабарҳо
0