Даргузашти Бобоев дар дармонгоҳи "Истиқлол": иллати марги ӯ номаълум аст

CC0 / Pxhere / Свеча
Свеча - Sputnik Тоҷикистон
Маросими видоъ бо олими соҳаи физика ва математика рӯзи 18 август дар мазори Лучоби шаҳри Душанбе баргузор гардид

ДУШАНБЕ, 18 авг – Sputnik. Имрӯз физикдони маъруф, олими соҳаи физика ва математика Тошбой Бобоев дар синни 78 - солагӣ олами фониро падруд гуфт, хабар медизад сомонаи Фараж.

Народный поэт Таджикистана Гулназар Келди - Sputnik Тоҷикистон
Гулназар Келдӣ, муаллифи Суруди миллии Тоҷикистон даргузашт

Ба иттилои манбаъ, марҳум дар бемористони "Истиқлол" ҷон бохт ва иллати марги ӯ дақиқ гуфта нашудааст.

Манбаъ меафзояд, Тошбой Бобоев зодаи шаҳри Панҷакент буда, хатмкардаи факултаи физикаю математикаи Донишгоҳи давлатии Тоҷикистон ба номи В. И. Ленин ва соли 1968 шуъбаи аспирантураи Институти физикаю техникаи ба номи А.Ф. Иоффеи АИ ИҶШС мебошад.

Сулаймон Лоиқ - дӯсти Осимиву Қаноат ва Лоиқ - даргузашт

Марҳум соли 1993 соҳиби унвони профессорӣ гардида буд.

Гуфта мешавад, Тошбой Бобоев бо нишони сарисинагии "Аълочии маорифи халқи Тоҷикистон", Ордени "Нишони фахрӣ", ордени "Хизмати шоиста" ва Арбоби илм ва техникаи Ҷумҳурии Тоҷикистон қадрдонӣ шудааст.

Маросими видоъ бо Тошбой Бобоев имрӯз дар оромгоҳи Лучоби шаҳри Душанбе баргузор гардид.

Лентаи хабарҳо
0
Нахуст ҷадидҳоНахуст кӯҳнаҳо
loader
Дар нашр
Заголовок открываемого материала