Дурнамои норушан: долларро дар охири соли 2020 чӣ интизор аст

© pixabayДоллары США
Доллары США - Sputnik Тоҷикистон
Иқтисодшиносон гуфтанд, ки чӣ гуна омилҳо ба қурби доллар ва рубл дар охири соли 2020 таъсир мерасонанд

ДУШАНБЕ, 5 сен — Sputnik. Таҳлилгарон дар мусоҳиба бо рӯзномаи "Известия" гуфтанд, ки моҳи сентябр тамоюли моҳи августро идома медиҳад, ки дар он рубл зери фишори як қатор омилҳои муҳим қарор дошт ва ин ба ноустувории баланди он оварда расонд.

Денежные купюры - Sputnik Тоҷикистон
Иқтисодшиносон аз коҳиши арзиши рубл ва гарон шудани доллар ҳушдор медиҳанд

Иқтисоддонҳо қайд мекунанд, ки нархи нафт пеш аз ҳама ба асъори Русия таъсир мерасонад. Ҳамин тавр, ба қариби нархи тиллои сиёҳ ба 44 доллар расид.

Ба гуфтаи Марк Гойхман, сармутахассиси “ТелеТрейд", ин нишондиҳанда нисбат ба арзишҳои моҳи апрел беҳтар аст, аммо пас аз хотима ёфтани тундбодҳо дар халиҷи Мексика нарх метавонад боз ба 40-42 доллар коҳиш ёбад.

"Тибқи пешгӯиҳои МЭА ва ОПЕК, талабот ба тиллои сиёҳ ҳатто ба сатҳи соли гузашта нахоҳад расид, дар ҳоле ки пешниҳод танҳо афзоиш меёбад", - мегӯяд иқтисоддон.

Артем Деев, мудири шӯъбаи таҳлилии AMarkets мегӯяд, ки рубл ба эҳтимоли мавҷи дуввуми штамми нави коронавирус осебпазир аст.

"Оқибатҳои пандемия ба пуррагӣ дарк карда нашудаанд, зеро онҳо натиҷаи маҷмуӣ доранд ва иқтисоди ҷаҳонӣ навакак шикастани занҷирҳои таъминотро эҳсос мекунад. Мавҷи дуввум метавонад фурӯшро дар бозори дороиҳои кишварҳои рӯ ба тараққӣ ба ҳамон тарз, ки дар моҳи март рух дода буд, ба бор орад", - ҳушдор дод коршинос.

Виталий Громадин, таҳлилгари аршади БКС қайд кард, ки рубл низ зери фишори сиёсӣ қарор гирифт.

Сомони и доллары, архивное фото  - Sputnik Тоҷикистон
Бонки миллӣ гуфт дар беқурбшавии сомонӣ ва болоравии арзиши доллар кӣ гунаҳгор аст

Ба гуфтаи иқтисодшинос, тазоҳурот дар Беларус ва эҳтимоли таҳримҳои нави зидди Русия марбут ба Алексей Навалний ба қурби доллар ва рубл таъсири бештар доранд.

Иля Запорожский, коршиноси Академияи молия ва идоракунии сармоягузорӣ чунин мешуморад, ки худи таҳримот даҳшатовар нестанд, балки чораҳои ҷавобӣ ва номуайянӣ мебошанд.

"Ҳаргуна шарҳҳои манфии иловагии раҳбарони Ғарб метавонад мавқеи рублро бадтар кунад", - мутмаин аст ӯ.

Интизори беқурбшавӣ: дар тирамоҳ бо доллар чӣ рӯй хоҳад дод

Иқтисодшиносон бар онанд, ки фишор ба рубл аз эҳтимол дур нест, то соли нав аз байн биравад.

Тибқи пешгӯии таҳлилгарон, дар бадтарин ҳолат  охири соли 2020 доллар метавонад аз 80 рубл баландтар парвоз кунад ва евро дар марзи 90 то 92 рубл хариду фурӯш шавад.

Дар сурати рушди мусоиди рӯйдодҳо, доллари амрикоӣ ба 70-72 рубл ва евро ба 84-85 рубл мефарояд.

Ҳамзамон, иқтисоддонҳо бар инанд, ки нуктаи беҳтарин 73 рубл барои доллар ва 85 барои евро хоҳад буд.

Лентаи хабарҳо
0
Нахуст ҷадидҳоНахуст кӯҳнаҳо
loader
Дар нашр
Заголовок открываемого материала