ДУШАНБЕ, 1 окт – Sputnik. Навори бо суръати баланд ва муқобили самт ҳаракат кардани як ронанда дар роҳи автомобилгарди шаҳри Душанбе ба шабакаҳои иҷтимоӣ роҳ ёфт ва баҳси гармеро ҳам ба миён овард.
Корбарон тарзи мошин рондани ин ронандаро, ба филми "Форсаж" шабоҳат дода, аз кормандони пулис даъват намуданд, ки нисбати чунин ҳолатҳо тадбирҳои лозима андешида шаванд.
Зимнан, Раёсати умури дохила дар шаҳри Душанбе хабар медиҳад, ки аз рӯйи навори мазкур, ронандаи қонуншиканро боздошт намуданд.
Кормандони РВУД дар пойтахт муайян намуданд, ки номбурда Пиров Аҳлиддини 25- сола, сокини ноҳияи Мир Саид Алии Ҳамадонӣ мебошад.
Майдаавбошии Одинаевҳо: барои дашному латукӯби ҳамсоя ҳабсу ҷарима шуданд - навор
Манбаъ меафзояд, бо назардошти ҳолати мазкур нисбати номбурда бо моддаи 325 қисми 4 Кодекси ҳуқуқвайронкунии маъмурӣ протоколи маъмурӣ тартиб дода шуда, ҷаримабандӣ карда шуд.
Ҳамзамон ҷиҳати минбаъд ба чунин қоидавайронкунӣ роҳ надодан ба таври қатъӣ огоҳонида шуд.
