Озодамоҳ дар Суғд бо харҷи 600 ҳазор сомонӣ корхона бунёд мекунад

© Исполнительный орган государственной власти Согдийской областиПредприниматель Озодамох Кулова построит предприятие по переработке фруктов в свободной экономической зоне «Сугд»
Предприниматель Озодамох Кулова построит предприятие по переработке фруктов в свободной экономической зоне «Сугд» - Sputnik Тоҷикистон
Соҳибкор Озодамоҳ Қулова дар Минтақаи озоди иқтисодии “Суғд” корхонаи коркарди мева бунёд хоҳад кард

ДУШАНБЕ, 2 окт — Sputnik. Бино бар иттилои дафтари матбуоти мақомоти вилояти Суғд, соҳибкор Озодамоҳ Қулова тасмим дорад, ки дар минтақаи озоди иқтисодӣ корхонаи навро бунёд намояд.

Стеклянная тара, архивное фото - Sputnik Тоҷикистон
Оғози сохтмони корхона: дар Суғд шишаи сайқалёфта истеҳсол мешавад

Бино бар иттилои манбаъ, ҳоло бо ташаббуси ин бонуи соҳибкор корхонаи коркарди меваи хушк бунёд шуда истодааст.

“Корхонаи нав “Донаи алмос” номгузорӣ шуда, он тибқи нақшаи пешакӣ бо харҷи 600 ҳазор сомонӣ бунёд карда хоҳад шуд. Бо мавриди истифода қарор гирифтани корхонаи мазкур 40 нафар соҳиби ҷойи кор мегарданд”, - таъкид доштааст манбаъ.

Раҷаббой Аҳмадзода, раиси вилояти Суғд, зимни боздид аз ин корхона таъкид доштааст, ки хушкмеваҳои Тоҷикистон дар бозорҳои минтақа харидорони сершумор дорад ва таъсиси боз як корхонаи коркарди мева омили зиёд шудани ҳаҷми содироти маҳсулот ба хориҷа хоҳад шуд.

Ҳамзамон манбаъ қайд кардааст, ки дар ҳоли ҳозир шумори соҳибкороне, ки хоҳиши бунёди корхонаи саноатӣ дар минтақаро доранд, то рафт афзуда истодааст.

Эмомалӣ Раҳмон, раисиҷумҳури Тоҷикистон, ҳангоми фаромадан аз ҳавопаймо - Sputnik Тоҷикистон
Эмомалӣ Раҳмон барои ҷашни Наврӯз ба Суғд рафт: аз кушодани корхона оғоз кард

Ба иттилои дафтари матбуоти мақомоти вилояти Суғд, дар минтақаи озоди иқтисодии “Суғд” 29 субъект ба қайд гирифта шуда, аз он 13 адад ба фаъолияти истеҳсолӣ ва хизматрасонӣ машғуланд.

Ҳамзамон Раҷаббой Аҳмадзода, аз Ширкати муштараки тоҷикӣ-туркии “Арча-мебал” боздид кард.

Гуфта шудааст, ки ширкат аз ҷумлаи корхонаҳоест, ки фаъолияти назаррас дошта, ба истеҳсоли мебел ва мизу курсиҳо барои муассисаҳои таълимӣ, тандурустӣ ва ташкилоту идораҳо машғул аст.

“Аснои боздид аз ин корхона Раиси вилоят барои зиёд намудани номгӯи маҳсулоти истеҳсолшаванда, афзун намудани ҳаҷми истеҳсолот, таъмини пурраи муассисаҳо бо мебел ва мизу курсиҳои истеҳсоли ватанӣ дастуру супоришҳо дод”, - зикр кардааст манбаъ.

Лентаи хабарҳо
0
Нахуст ҷадидҳоНахуст кӯҳнаҳо
loader
Дар нашр
Заголовок открываемого материала