Нашри “Дафтари ишқ” – китоби шеърҳои Камоли Хуҷандӣ бо забони олмонӣ

© PixabayКнига, архивное фото
Книга, архивное фото - Sputnik Тоҷикистон
Обуна шудан
Дар доираи омодагиҳо ба ҷашни 700-солагии Шайх Камоли Хуҷандӣ китоби навбатӣ бо унвони “Дафтари ишқ” аз чоп баромад

ДУШАНБЕ, 9 окт — Sputnik. Китоби мазкур аз тарафи кормандони Муассисаи давлатии “Маркази илмии Камоли Хуҷандӣ” ва бо ҳамкории Донишкадаи иқтисод ва савдои ДДТТ таҳия гардида, тариқи нашриёти “Ношир” ба нашр расид.

Книга, архивное фото - Sputnik Тоҷикистон
Китоби шоири тоҷик дар Эрон нашр шуд

Тибқи иттилои дафтари матбуоти ҳукумати Суғд, дар китоб бори аввал тарҷумаи 50 шеъри шоир ба забони олмонӣ манзур гардидааст, ки идомаи мантиқии китоби “Ишқи минӯӣ” мебошад.

Манбаъ тавзеҳ дод, мутарҷими нозуктабъ Александр Ҳайзер кӯшиш кардааст, ки ашъори шоирро ҳаддалимкон ба матни асл наздиктар тарҷума намуда, дар ғазалҳо қолаби бадеии аввалияро ҳифз намояд.

“Азбаски баргардони низоми арӯзии ғазалиёти Камол ба забони олмонӣ амалан имконпазир нест, ӯ саъй намудааст, то маонии матлубро дар қолабҳо ва авзони дигари шеърӣ ҷой диҳад ва бад-ин василаи хонандаи олмонизабонро бо яке аз бузургтарин шоирони Шарқ ошно намояд”, - омадааст дар иттилоия.

Таъкид шудааст, ки китоб ба ғайр аз худи тарҷумаҳо шомили пешсухани директори Донишкадаи иқтисод ва савдои ДДТТ, Олимӣ Рауф Латифзода ва директори Муассисаи давлатии “Маркази илмии Камоли Хуҷандӣ” Баҳром Раҳматов ва муқаддимаҳои профессор Матлубаи Мирзоюнус ва худи мутарҷим Александр Ҳайзер буда, ғазалҳоро ҳам ба забони тоҷикӣ ва ҳам ба хати форсӣ дарбар гирифтааст.

Лентаи хабарҳо
0