Раҳмон дар Хуҷанд корхонаи шоколад ифтитоҳ кард

CC0 / Pixabay / Шоколадные конфеты
Шоколадные конфеты - Sputnik Тоҷикистон
Обуна шудан
Корхонаи истеҳсоли шоколадро соҳибкори ватанӣ Юсуфҷон Абдураҳимов таъсис дода, 40 сокини маҳаллиро бо ҷойи кор таъмин кард

ДУШАНБЕ, 15 окт — Sputnik. Кишвардори Тоҷикистон Эмомалӣ Раҳмон, ки ба вилояти суғд сафари корӣ анҷом дод, дар шаҳри Хуҷанд корхонаи истеҳсоли шоколадро ифтитоҳ кард.

Эмомалӣ Раҳмон ба шаҳри Хуҷанд сафар кард - Sputnik Тоҷикистон
Сафари такрории Раҳмон ба Суғд: зодрӯзи Камоли Хуҷандиро ҷашн мегираду корхонаҳо мекушояд

Ба иттилои котиботи президенти Тоҷикистон, Эмомалӣ Раҳмон ба фаъолияти  корхонаи нави  истеҳсоли шоколади "Ҳаловат", оғоз бахшид.

Маҳсулоти шоколадӣ дар корхона бо истифода аз таҷҳизоти муосири истеҳсолӣ тавлид гардида, дорои сифати баланд мебошад.

Гуфта мешавад, дастгоҳу таҷҳизоти истеҳсолии корхона аз Русия ва Чин дастрас гардида, иктидори истеҳсолии корхона дар як шабонарӯз то 400 киллограмм маҳсулоти ғизоӣ мебошад.

Истиқболи Оқохони IV аз пирӯзии Раҳмон: дуоҳои ман шуморо ҳамеша ҳамроҳӣ мекунанд

Ин корхона аз ҷониби соҳибкори ватанӣ Юсуфҷон Абдураҳимов таъсис ёфтааст, 40 сокини мащалль бо ыойи кор таъмин карда шуданд ва аксарияти онщо занону духтарон мебошанд.

Иттилоъ дода шуд, ки таркиби маҳсулоти шоколадӣ аз мағзи чормағзи заминӣ, асали тозаи табиӣ, орду равған, ширу қаймоқ ва дигар маводи хӯроквории иловагӣ иборат аст.

Манбаъ меафзояд, пас аз шиносоӣ бо фаъолияти корхона ва истеҳсоли маҳсулоти шоколадӣ Эмомалӣ Раҳмон аз намоиши маҳсулоти тавлиднамудаи ин корхонаи хурди саноатӣ дидан кард.

Лентаи хабарҳо
0