Дар вилояти Хатлон 57 бунгоҳи тиббӣ дар ҷойҳои номувофиқ қарор доранд

© Sputnik / Амир ИсаевСтроительство аквапарка в Варзобе
Строительство аквапарка в Варзобе - Sputnik Тоҷикистон
Обуна шудан
Дар вилояти Хатлон то ҳол 57 бунгоҳи тиббӣ ва марказҳои саломатӣ дар хонаҳои шахсӣ, мактабу масҷид, бошишгоҳу дигар макон ҷойгир буда, барои қабули беморон ҷавобгӯ нестанд

ДУШАНБЕ, 17 окт — Sputnik.  Муовини  сардори Раёсати тандурустии вилояти Хатлон Ҷурабой Саидов қайд кардааст, ки ҳоло дар шаҳру ноҳияҳои вилоят 57 муассисаи тиббӣ дар масҷид, хирман, хонаҳои шахсӣ, вагон, мактаб, бошишгоҳҳои саҳроӣ ва дигар ҷой гирифтааанд, ки инҳо 3 маркази саломатӣ ва 54 бунгоҳи тиббӣ мебошанд, иттилоъ додааст сомонаи рӯзномаи “Фараж”.

Арбакеш (извозчик тележек на базаре) в ожидании клиента. Архивное фото - Sputnik Тоҷикистон
Дар ҳашт моҳ ба мақомоти вилояти Хатлон беш аз 27 ҳазор нафар корҷӯ муроҷиат кардааст

Бино бар иттилои манбаъ, чунин муасссисаҳо бештар дар ноҳияҳои Муъминобод - 10 адад, Мир Сайид Алии Ҳамадонӣ - 8, Балҷувон  - 6, Қубодиён - 6, Панҷ - 5, Кӯшониён - 5, Кӯлоб - 4, Ҷалолиддини Балхӣ - 3 Ховалинг - 2, Дӯстӣ - 2 ва ноҳияи Восеъ - 3-ададӣ мебошанд.

Ҷурабой Саидов таъкид доштааст, ки мардум имрӯз аз ноилоҷӣ аз ҳамин бунгоҳҳои тиббӣ ва марказҳои саломатӣ истифода мебаранд, ки онҳо ба сатҳу сифати хизматрасонии тиббӣ ҷавобгӣ нестанд.

Дар ҳамин ҳол, муовини  сардори Раёсати тандурустии вилояти Хатлон қайд кард, ки бояд ин бунгоҳу марказҳо то соли 2021 пурра бо биноҳои нав дар ҷойҳои мувофиқ таъмин гарданд.

Лентаи хабарҳо
0