Абдуллоҳ: умедворам аз сафар ба Тоҷикистон бо дастовардҳои назаррас бармегардам

© МИД РТВ Кабуле Посол Республики Таджикистан в Исламской Республике Афганистан Саади Шарифи встретился с Председателем Высшего совета национального примирения Афганистана доктором Абдуллой Абдуллой
В Кабуле Посол Республики Таджикистан в Исламской Республике Афганистан Саади Шарифи встретился с Председателем Высшего совета национального примирения Афганистана доктором Абдуллой Абдуллой - Sputnik Тоҷикистон
Обуна шудан
НовостиTelegram
Абдуллоҳ Абдуллоҳ, сиёсатмадори номии Афғонистон бо ҳайъаташ ба Тоҷикистон сафар мекунад. Ӯ изҳори умедворӣ кардааст, ки аз ин сафар бо худ дастовардҳои калон мебарад

ДУШАНБЕ, 18 дек — Sputnik. Мавзӯи сафари раиси Шӯрои олии мусолиҳаи миллии Афғонистон доктор Абдуллоҳ Абдуллоҳ дар мулоқоти ӯ бо сафири Тоҷикистон дар Афғонистон Саъдӣ Шарифӣ баррасӣ гаштааст.

Абдулла Абдулла со сторонниками, на церемонии приведения к присяге на пост президента Афганистана в Кабуле - Sputnik Тоҷикистон
Иҷмоъи минтақаӣ: Доктор Абдуллоҳ Абдуллоҳ ба Тоҷикистон меояд

"Дар мулоқот мавзӯи сафари дарпешистодаи раиси Шӯрои олии мусолиҳаи миллии Афғонистон ба Тоҷикистон ва масоили ҳамкорӣ миёни ду кишвари дӯст мавриди баррасӣ қарор гирифтанд", - менависад дафтари матбуоти Вазорати корҳои хориҷии Тоҷикистон.

Бино бар иттилои манбаъ, доктор Абдуллоҳ Тоҷикистонро ҳамсояи нек, дӯсту бародар ва кишвари барои Афғонистон муҳим арзёбӣ намудааст.

"Ӯ изҳори умедворӣ кард, ки сафари ӯ ва ҳайати ҳамроҳаш ба Тоҷикистон бо дастовардҳои чашмрасе барои ду кишвар анҷом ёбад", - афзудааст манбаъ.

Сафири Тоҷикистон Саъдӣ Шарифӣ пуштибонии кишварамонро аз давлат ва мардуми Афғонистон дар ҳамаи заминаҳо ёдовар шуда, сафари дарпешистодаи Абдуллоҳро ба Душанбе заминасози густариши бештари равобит миёни ду кишвари бародар донист.

Ҳамчунин дар бораи вазъи имрӯзаи Афғонистон, таҳаввулот дар раванди сулҳ ва музокироти байниафғонӣ мубодилаи афкор сурат гирифт.

Комилов ва Абдуллоҳ хостори густариши равобити Афғонистону Ӯзбекистон шуданд

Лентаи хабарҳо
0