Афзоиши қарзи берунаи Тоҷикистон дар даврони вируси корона

© Sputnik / Стас ЭтвешЭкономический рост, архивное фото
Экономический рост, архивное фото  - Sputnik Тоҷикистон
Дар гузориши Бонки Ҷаҳонӣ гуфта шудааст, ки қарзи давлатии Тоҷикистон дар соли 2020 бо суръат афзоиш ёфтааст

ДУШАНБЕ, 24 дек — Sputnik. Қарзи давлатии Тоҷикистон дар соли 2020 наздик ба 40 дарсади маҷмӯи маҳсулоти дохилӣ (ММД) расидааст, гуфта шудааст дар гузориши тозаи Бонки Ҷаҳонӣ, зери унвони "Кунд шудани рушди иқтисодии Тоҷикистон дар шароити пандемия".

"Қарзи берунаи Тоҷикистон то моҳи сентябри соли равон наздик ба 40 дарсади ММД расидааст. Дар соли 2019 ин рақам муодили 36,6 дарсади ММД буд", - таъкид шудааст дар гузориш.

Афзоиши қарзи давлатӣ ба сабаби гирифтани маблағҳои қарзӣ аз ташкилотҳои байналмилалӣ ва кишварҳои хориҷӣ ва кам гаштани интиқолҳои пулии муҳоҷирони меҳнатӣ сурат гирифтааст. Ба афзоиши қарз ҳамчунин ҷамъоварии ками андоз таъсири манфӣ расонидааст, илова шудааст дар гузориши Бонки Ҷаҳонӣ.

Монеты, архивное фото - Sputnik Тоҷикистон
Бонки Ҷаҳонӣ гуфт чигуна пандемияи ба иқтисоди Тоҷикистон таъсир расонд

Тибқи хулосаи мутахассисони Бонки Ҷаҳонӣ, аз ҳисоби қарз Ҳукумати Тоҷикистон норасоии зиёди буҷаи давлатиро, ки ба сабаби пандемияи вируси корона сурат гирифт, ҷуброн намудааст. Ҷумҳурӣ аз Сандуқи байналмилалии пул (189,5 миллион доллар), Бонки Осиёии Рушд (беш аз 102,5 миллион доллар) ва аз Бунёди субот ва рушди АвруОсиё (50 миллион доллар) қарз гирифтааст.

Дар гузориш ҳамчунин қайд шудааст, ки дар давраи пандемияи вируси корона Бонки Ҷаҳонӣ ба бахши тандурустии кишвар 11,3 миллион доллар кумак расонида, боз тасмим дорад 16,2 миллион доллари дигар кумак намояд.

Ҳамин тавр мақомот тасмим доранд ин мушкилотеро, ки бар асари вируси корона сар задаанду мӯҷиби норасоии буҷа шудаанд, ҷуброн намояд.

Инчунин мутахассисони Бонки Ҷаҳонӣ қайд кардаанд, ки қарзҳои додашуда ба Тоҷикистон дар соли 2020 сарбории қарзро боз афзоиш медиҳад.

Дар гузориш гуфта шудааст, ки дар Тоҷикистон хавфи эътибор (дефолт) вуҷуд дорад ба ҳамин хотир қарзҳои нав метавонад вазъи қарзи даватиро боз ҳам мураккабтар кунанд.

Лентаи хабарҳо
0
Нахуст ҷадидҳоНахуст кӯҳнаҳо
loader
Дар нашр
Заголовок открываемого материала