Сафири Русия: пойгоҳи 201 ба тамоми "сюрприз"-ҳои ҷангиёни афғон омода аст

© Sputnik / Амир ИсаевЧрезвычайный и Полномочный посол России в Таджикистане Игорь Лякин-Фролов
Чрезвычайный и Полномочный посол России в Таджикистане Игорь Лякин-Фролов - Sputnik Тоҷикистон
Сафири Русия дар Тоҷикистон, Игор Лякин-Фролов вокуниши Русия ба ҳамагуна ҳамлаи эҳтимолии ҷангиёни афғонро шарҳ дод

ДУШАНБЕ, 24 дек — Sputnik. Пойгоҳи низомии 201-и Русия, ки дар Тоҷикистон мустақар аст, ба ҳама гуна "сюрпризҳо" -и ҷангҷӯёни афғон омода аст, гуфт сафири Русия дар Душанбе, Игор Лякин-Фролов ҳангоми мулоқот бо намояндагони расонаҳо.

Учения взвода радиационной, химической и биологической защиты - Sputnik Тоҷикистон
Баргузории размоиши низомии Пойгоҳи 201-и Русия мустақар дар Тоҷикистон

Дипломат қайд кард, ки аз ҷиҳати силоҳ, омӯзиш ва таълим хизматчиёни ҳарбии Русия дар сатҳи хеле баланд қарор доранд.

"Муҳимтар аз ҳама он аст, ки онҳое, ки дар қаламрави Афғонистон ҳастанд, инро медонанд. Он нерӯҳое, ки ба амнияти Тоҷикистон зарар мерасонанд ва метавонанд зарар расонанд. Аз ин рӯ, пеш аз коре, ки бояд кунанд, бояд хеле хуб фикр кунанд",-  гуфт сафир.

Сафир қайд кард, ки масъалаҳои ҳифзи марзи Тоҷикистону Афғонистон ва Осиёи Марказӣ дар нишасти ахири СААД баррасӣ шуданд.

"Вазъ дар Афғонистон номусоид аст. Музокирот идома дорад, аммо то ба ҳол онҳо натиҷаи мушаххас надодаанд. Амалиёти низомӣ дар кишвар идома дорад", - гуфт ӯ.

Дипломат илова кард, ки айни замон дар Тоҷикистон барномаи навсозии Қувваҳои Мусаллаҳи Тоҷикистон амалӣ карда мешавад.

Дастурдиҳандагони пойгоҳи 201-уми Русия ба 500 низомии тоҷик курси омӯзиши гузарониданд

"Таҳвилҳо дар солҳои охир  12 миллиард рублро ташкил медиҳанд. Дар назар аст, ин ҳафта ва ё ҳафтаи оянда  таҷҳизоти муҳандисӣ ворид карда шавад. Дар омода кардани кадрҳо низ Русия кӯмакашро мерасонад: ҳар сол тақрибан ҳазор фармондеҳони сатҳи миёна дар пойгоҳи 201 таълим мегиранд", - гуфт дар анҷом Лякин-Фролов.

Лентаи хабарҳо
0
Нахуст ҷадидҳоНахуст кӯҳнаҳо
loader
Дар нашр
Заголовок открываемого материала