Даргузашти собиқ мудири бахши Кумитаи дин дар Бӯстон

© Sputnik / Стас ЭтвешПохороны в Таджикистане, архивное фото
Похороны в Таджикистане, архивное фото - Sputnik Тоҷикистон
Боқӣ Қудратов, мудири гимназияи рақами 2-и шаҳри Бӯстон ва собиқ мудири бахши Кумитаи дини шаҳр дар синни 59-солагӣ даргузашт

ДУШАНБЕ, 29 дек — Sputnik. Тавре манбаи Sputnik Тоҷикистон гуфт, марҳум чанд моҳи ахир аз бемории саратони мағзи сар азият мекашид.

Маросими ҷанозаи Боқӣ Қудратов имрӯз дар назди манзили марҳум баргузор шуд ва ӯро дар оромгоҳи шаҳр ба хок супориданд.

Мужчина совершает молитву на кладбище - Sputnik Тоҷикистон
Мотам дар суди тиббӣ: даргузашти сармутахассиси 56 - солаи вазорати тандурустӣ

Боқӣ Қудратов, ки 5 сол вазифаи роҳбарии бахши кумитаи динро дар Бӯстон дошт, то дами марг ба ҳайси мудири гимназия дар хизмати халқ буд.

Қудратов Боқӣ Бобокалонович 5-уми ноябри соли 1961 дар деҳаи Вешаби ноҳияи Айнӣ ба дунё омада, соли 1985 Донишгоҳи давлатии педагогии шаҳри Душанберо бо ихтисоси муаллими забон ва адабиёти фаронсавӣ хатм намудаанд.
Фаъолияти меҳнатиашонро соли 1979 ба ҳайси коргари комбинати "Тоҷик-атлас"-и шаҳри Душанбе оғоз намуда, солҳои 1985-1987 дар сафи Қувваҳои Мусаллаҳи Иттиҳоди Шӯравӣ адои хизмат намудаанд.

Аз соли 1987 сармураббӣ ва аз соли 1991 то соли 1993 директори интернати ҷумҳуриявии шаҳри Душанбе, солҳои 1993-1994 омӯзгори муассисаи таҳсилоти умумии рақами 7 шаҳри Бӯстон адои вазифа намудаанд.
Саҳми босазои устод Боқӣ Қудратов дар пешрафти кори ҳизбию ҷамъиятӣ низ назаррас буда, солҳои 1994-2001 ба ҳайси Котиби якуми Ҳизби Коммунистии Тоҷикистон дар шаҳри Бӯстон фаъолият намудаанд.

Ҳамзамон заҳматҳои беназири Боқӣ Қудратов дар тарбия ва камолоти маънавии садҳо нафар ҷавонони замони соҳибистиқлолии Тоҷикистон арзишманд буда, мавсуф солҳои 2001-2012 директори литсейи рақами 1 шаҳри Бӯстон адои вазифа намудаанд.

“Як умр бо Айнӣ”: даргузашти адабиётшиноси маъруф аз “вируси корона”

Баъдан фаъолияти устод дар соҳаи хизмати давлатӣ идома ёфта, солҳои 2013-2015 ба ҳайси сармутахассиси шуъбаи рушди иҷтимоӣ ва робита бо ҷомеаи дастгоҳи раиси шаҳри Бӯстон ва аз соли 2015 то соли 2020 ба ҳайси мудири бахши дин, танзими анъана ва ҷашну маросими Мақомоти иҷроияи ҳокимияти давлатии шаҳри Бӯстон муваффақона фаъолият намуданд.

Аз моҳи апрели соли 2020 то моҳи ноябри соли равон ба ҳайси директори гимназияи 2-и шаҳри Бӯстон адои вазифа намуданд.

Лентаи хабарҳо
0
Нахуст ҷадидҳоНахуст кӯҳнаҳо
loader
Дар нашр
Заголовок открываемого материала