Тоҷикистону Фаластин 20 тавофуқномаи ҳамкорӣ имзо хоҳанд кард

© Sputnik / Mikhail Voskresenskiy / Гузариш ба медиабонкУчастница акции протеста у посольства США в Бейруте против "сделки века" по урегулированию палестино-израильского конфликта
Участница акции протеста у посольства США в Бейруте против сделки века по урегулированию палестино-израильского конфликта - Sputnik Тоҷикистон
Обуна шудан
Нахустин сафири Фаластин дар Тоҷикистон гуфт, ки дар ояндаи наздик миёни ду кишвар 20 тавофуқномаи ҳамкорӣ дар бахшҳои мухталиф имзо мешавад

ДУШАНБЕ, 6 янв — Sputnik. Ба гузориши сомонаи Авесто, Луйа Исо дар ҳамоиши фарҳангии "Таъриху ҳаводиси Фаластин" дар Душанбе эълом кард, ки яке аз ин созшномаҳо марбут ба омӯзиши донишҷӯёни фаластинӣ дар донишгоҳҳои Тоҷикистон аст, ки ба зудӣ бо Вазорати маориф ва илми ин кишвар имзо хоҳад шуд.

Здание МИД РТ в Душанбе, архивное фото - Sputnik Тоҷикистон
Фаластин дар Душанбе сафоратхона мекушояд

Вай дар ин нишаст аз мавзеи Тоҷикистон дар ҳимоят аз ормони миллати Фаластин дар Созмони Милали Муттаҳид қадрдонӣ кард.

Сафири Фаластин дар Тоҷикистон бо ишора ба муштаракоти динии мардуми Тоҷикистон бо фаластиниён гуфт: "Дар муддати нисбатан кӯтоҳи ҳузурам дар Тоҷикистон бо одобу русуми мардуми ин кишвар ошно шудам ва дарёфтам, ки муштаракоти динӣ - фарҳангии фаровоне миёни ду миллат вуҷуд дорад".

Луйа Исо, ки қаблан ба унвони сафири Фаластин дар 4 кишвари арабӣ фаъолият кардааст, аз алоқаи худ ба Тоҷикистон ва мардуми он сухан гуфту ибрози умедворӣ кард: Равобити ду кишвар дар ояндаи наздик тавсеа ёбад.

Сафорати Фаластин дар Тоҷикистон рӯзи 4 апрели имсол ифтитоҳ шуд ва Луйа Исо ба унвони нахустин сафири кишвари Фаластин дар Душанбе оғоз ба кор кард.

Лентаи хабарҳо
0