Оғози интихоботи пеш аз муҳлат дар Қирғизистон: киро халқ интихоб мекунад

© Sputnik / Гузариш ба медиабонкВыборы в Кыргызстане
Выборы в Кыргызстане - Sputnik Тоҷикистон
Обуна шудан
Имрӯз шаҳрвандони Қирғизистон на танҳо сарвари давлат, балки шакли идоракуниро низ интихоб мекунанд, дар бюллетенҳо се вариант пешниҳод карда мешавад: президентӣ, парлумонӣ ва зидди ҳама

ДУШАНБЕ, 10 январ - Sputnik. дар Қирғизистон имрӯз, 10 январ интихоботи президентӣ пеш аз мӯҳлат баргузор мешавад.

Соати 8-и субҳ дар саросари кишвар 2474 ҳавзаи интихоботӣ кушода шуд. 48 ҳавзаи дигар дар хориҷи кишвар ҷойгиранд. Онҳо то соати 20.00 кор мекунанд.

Парламентские выборы в Киргизии - Sputnik Тоҷикистон
Дар Қирғизистон интихобот баргузор шуд: ҳизбҳои сиёсӣ ва мардум боз норозӣ

Бино ба гузориши хабарнигори Sputnik Қирғизистон, ба шаҳрвандон ду бюллетени рангҳои гуногун супорида мешаванд: номҳои номзадҳо ба мансаби президентӣ бо сафед ва шакли идоракунӣ (президентӣ, парлумонӣ ва зидди ҳама) бо кабуд нишон дода шудаанд.

Дар маҷмӯъ, 3.563.574 интихобкунанда ҳуқуқи овоз доданро дорад. То соати 10:00 дар овоздиҳӣ 2,8% (99,772 интихобкунанда) ширкат кардааст.

Овоздиҳӣ дар ҳавзаҳои интихоботӣ тибқи талаботи беҳдоштӣ сурат мегирад: шаҳрвандон бояд ниқоб ва дастпӯшак дошта бошанд. Тавсия дода мешавад, ки кӯдакон дар хона гузошта шаванд.

Мақомот инчунин аз интихобкунандагон бо нишонаҳои зуком ё COVID-19 хоҳиш карданд, ки танҳо баъд аз соати 18.00 дар интихобот иштирок кунанд.

Бо мақсади бехатарӣ, дар ҳар як ҳавза ду пизишкӣ навбатдорӣ мекунанд.

Лентаи хабарҳо
0