Содир Ҷабборов дар интихоботи президентӣ пешсаф аст

© Sputnik / Алексей Майшев / Гузариш ба медиабонкКандидат в президенты Кыргызской Республики Садыр Жапаров после голосования на досрочных выборах президента на одном из избирательных участков в Бишкеке.
Кандидат в президенты Кыргызской Республики Садыр Жапаров после голосования на досрочных выборах президента на одном из избирательных участков в Бишкеке. - Sputnik Тоҷикистон
Обуна шудан
Тибқи иттилои пешакӣ Содир Ҷабборов бо ба даст овардани 79,19 дарсади райъи мардум дар интихоботи президентии Қирғизистон пешсаф аст

ДУШАНБЕ, 11 январ - Sputnik. Номзад ба президентии Қирғизистон Содир Ҷабборов аз рӯи натиҷаҳои пешакӣ, ки Комиссияи марказии интихобот ва раъйпурсии ин кишвар нашр кардааст, пешсаф аст.

Натиҷаҳои интихобот ҳанӯз ниҳоӣ нестанд, аммо ҳоло маълум аст, ки Содир Ҷабборов нисбат ба дигар номзадҳо раъи бештар ба даст овардааст.

Выборы в Кыргызстане - Sputnik Тоҷикистон
Оғози интихоботи пеш аз муҳлат дар Қирғизистон: киро халқ интихоб мекунад

Тибқи иттилои пешакӣ, ӯ дар ин интихобот 79,19 дарсад раъи мардумро ба даст овардааст.

Натиҷаҳои расмии интихоботи президентӣ танҳо пас аз ба анҷом расидани овозшумории дастӣ эълон хоҳад шуд.

Ёдовар мешавем, ки интихоботи ғайринавбатии президентӣ дар Қирғизистон пас аз истеъфои раисҷумҳури пешини кишвар Сооронбай Жээнбеков, ки пас аз ҳаводиси моҳи октябри соли 2020 рӯх дод, сурат гирифт.

Дар маҷмӯъ, ба курсии раисҷумҳури Қирғизистон 17 нафар довталаб буд: Содир Ҷабборов, Канатбек Исаев, Миктибек Арстанбек, Клара Сооронқулова, Имомуддин Ташов, Абдил Сегизбоев, Адахан Мадумаров, Аймен Касенов, Улуғбек Кочкоров, Женишбек Байгуттиев, Элдар Абакиров, Курсанбек Арстан Бактибек Калмаматов, Бабирҷон Толбаев, Канибек Имоналиев.

Дар баробари интихоботи президентӣ, дар ин кишвар раъйпурсӣ оид ба шакли идоракунӣ низ баргузор гардид.

Бояд гуфт, ки дар ин кишвар барои баргузории интихоботи президентӣ ва раъйпурсӣ наздик ба 2,5 ҳазор участкаҳои интихоботӣ омода карда шуданд, ки 48-тои он дар хориҷ аз кишвар ташкил ёфтанд.

Нозирони ИДМ интихоботи гузашта дар Қирғизистонро алакай шаффофу озод номиданд. Қонуншиканиҳои хурд ошкор шуданд, аммо онҳо ба натиҷаҳои овоздиҳӣ таъсире нарасонданд.

Лентаи хабарҳо
0