ВКД ду духтари 20 - соларо меҷӯяд, ки чанд муддат бедарак ҳастанд - навор

© Sputnik / Амир ИсаевСотрудники милиции
Сотрудники милиции - Sputnik Тоҷикистон
Обуна шудан
Яке аз ҷавондухтарони 20 - сола, ки дорои касалии руҳӣ аст, ҳанӯз рӯзи 16 январ аз хона баромада, бедарак шудааст

ДУШАНБЕ, 30 янв — Sputnik. Вазорати корҳои дохилаи Тоҷикистон бо нашри наворе, аз тамоми шаҳрвандони мамлакат даъват намудааст, ки дар пайдо намудани ду ҷавондухтари 20 - сола ба онҳо кӯмак расонанд.

Тибқи навори нашркардаи ин ниҳод, яке аз духтарон Маҳина Туева буда, сокини ноҳияи Рӯдакӣ аст. Мавсуф ҳанӯз рӯзи 16 январ аз хона баромада, ба самти номаълум рафтааст.

Манбаъ меафзояд, Туева дорои касалии рӯҳӣ буда, муддати 14 рӯз бедарак аст.

Гузашта аз ин, боз як сокини деҳаи Орзуи ноҳияи Ҷайҳун низ аз хона баромада, дигар барнагаштааст.

Бедарак шудаанд: милиса барои пайдо кардани 3 нафар аз мардум кумак хост-видео

Номбурда Омина Сафарова буда, рӯзи 25 ноябр аз манзили истиқоматии худ берун рафта, дигар аз ӯ хату хабаре нест.

ВКД дар навори интишорнамуда, рақамҳои фаъолро ҷой додааст ва аз шаҳрвандон дархост намудааст, ки дар сурати дидан ва ё шунидани хабаре дар мавриди ин ду ҷавондухтар ба рақами ҷойдода тамос гиранд.

Лентаи хабарҳо
0