Бонг аз Афғонистон то Ӯзбекистон: маълум шуд, кай сиренаи нави кӯли Сарез ба кор медарояд

© AFP 2021 / KADAM MASKAYEVСарезское озеро в горах Памира, архивное фото
Сарезское озеро в горах Памира, архивное фото - Sputnik Тоҷикистон, 1920, 11.02.2021
Низоми нави огоҳкунанда аз мардуми Афғонистон то шаҳрвандони Ӯзбекистонро аз хатар огоҳ хоҳад кард
ДУШАНБЕ, 11 фев — Sputnik. Раиси Кумитаи ҳолатҳои фавқулода ва мудофиаи граждании Тоҷикистон, Рустам Назарзода имрӯз дар нишасти матбуотии ин ниҳод гуфт, кай низоми нави огоҳии барвақтӣ ва мониторинги кӯли Сарез ба кор медарояд.
Ба гуфти Назарзода, бо назардошти зарурати такмил, беҳтар намудан ва васеъ кардани системаи огоҳии зудҳангом ва мониторинги кӯли Сарез дар доираи татбиқи Лоиҳаи миллии идораи хатари офатҳои табиӣ, ки аз ҷониби Бонки осиёии рушд сармоягузорӣ мешавад, моҳи сентябри соли 2020  интихоби ширкаткунандагон ба анҷом расид.
Дар ин росто, 13 ноябри соли 2020 муоҳада барои расонидан ва насби системаи нав ва ба истифода додани он дар кӯли Сарез имзо шуд.
"Қарор аст моҳи августи соли 2021 системаи нав ба истифода дода шавад", - гуфт Рустам Назарзода.
Раиси Кумитаи ҳолатҳои фавқулода ва мудофиаи граждании Тоҷикистон, шарҳ дод, ки система аз ҷониби ширкати итолёвии "САЕ", ки яке аз пешгомони ҷаҳонӣ дар гузоштани системаи огоҳсозии бармаҳал мебошад, амалӣ карда мешавад.
Сӯҳбат баъди сайри Сарез: “Аждаҳои хуфта” ё муъҷизаи безарари табиат?
Ин система аз сарҳади Ҷумҳурии Исломии Афғонистон то ноҳияи Шаҳритуси вилояти Хатлон, ки бо вилояти Сурхандарёии Ӯзбекистон ҳаммарз мебошад, мегузарад.
Кӯли Сарез: офати табиӣ ё муъҷизае дар кӯҳҳои Помир
Дар айни замон системаи огоҳии бармаҳал (сирена, алоқаи радиоӣ) то ноҳияи Рӯшон гузошта шудааст.
Лентаи хабарҳо
0
Нахуст ҷадидҳоНахуст кӯҳнаҳо
loader
Дар нашр
Заголовок открываемого материала