“Тоҷ”-и Хуҷандро кӣ шикаст?: масъулин гуфтанд, ки минбаъд “боксер”-ҳоро дастгир мекунанд

Башня независимости в Худжанде - Sputnik Тоҷикистон, 1920, 14.02.2021
Нашри навору аксҳое, ки ҳоли табоҳи маҷмааи таърихӣ - фарҳангии “Истиқлол” дар шаҳри Хуҷандро инъикос мекунанд, масъулини ҳукумати вилояти Суғдро ба таъмир кардани ин иншоот водор намудааст
ДУШАНБЕ, 14 фев – Sputnik. Аз аксу наворҳое, ки корбарон дар шабакаҳои интернетӣ нашр карданд, дида мешавад, ки деворҳои зербинои Маҷмааи таърихӣ-фарҳангии “Истиқлол” маъруф ба “Тоҷ” дар Хуҷанд аз зарби мушти афроди номаълум шикаста шудааст.
Башня независимости в Худжанде - Sputnik Тоҷикистон, 1920, 15.07.2019
Сӯхтор дар маҷмааи таърихии "истиқлол" дар шаҳри Хуҷанд
Маълум, ки ин рафтори ҷавонҳои бефарҳанг ва ё “боксер”-ҳоест, ки қувваи худро дар вайронкорӣ нишон додаанд, вале роҳбарони ин иншоот ҳам аз “ҳунарнамои”-и ин гурӯҳи сокинон бехабар мондаанд.
Шикаста шудани танаи деворҳои зербинои “Тоҷ”-и Хуҷандро рӯзноманигорон зимни нишасти матбуотӣ ба сардори Раёсати фарҳанги Суғд манзур намуданд.
Бахтиёр Қосимов сардори ин ниҳод гуфт, ки барои таъмир намудани ин иншооти ҷашнӣ аз ҷониби раиси вилояти Суғд дастур дода шудааст.
“Соли ҷорӣ таъмири маҷмааи “Истилол” дар шаҳри Хуҷанд ба нақша гирифта шудааст. Ҳоло сохтмончиҳо таъмири онро ҳисоб доранд”,-тавзеҳ дод Қосимов.
 Сардори Раёсати фарҳанг ҳамчунин гуфт, ки баъди ба иҷро расидани таъмир дар ҳама кунҷи деворҳои ин иншоот камераҳои мушоҳидавӣ насб карда мешавад.
“Минбаъд амали нафарони вайронкор аз назар пинҳон намемонад ва онҳо дастгир мешаванд”, - гуфт Қосимов.
Сохтмони маҷмааи таърихӣ-фарҳангии “Истиқлол”дар шаҳри Хуҷанд бо харҷи 37 миллион сомонӣ ба анҷом расида, он соли 2016, дар арафаи Ҷашни Истиқлолияти давлатии Тоҷикистон ва сафари раисиҷумҳур Эмомалӣ Раҳмон ба вилояти Суғд, расман мавриди баҳрабардорӣ қарор дода шуд.
Гуфта мешавад баландии муҷассама 53 метр буда, дар он тоҷ ва ҳафт ситораи доирашакл давр мезанад. Дар баландии 21 метри он майдончаҳо барои тамошо сохта шудааст ва дорои лифтҳои махсус мебошад. Масоҳати умумии маҷмаа 1 ҳазору 127 метри мураббаъро ташкил медиҳад. Дар таҳхонаи иншоот толорҳои намоишӣ ва таърихию фарҳангӣ мавҷуд аст. Дар ин ҷо харитаи Тоҷикистон, муқаддасоту арзишҳои миллии мардуми тоҷик тасвир карда шуда ва аз ҷойҳои сертамошобин барои сокинони кишвар ва сайёҳони хориҷӣ ба ҳисоб меравад.
Бо вуҷуди хуруҷи бемории ҳамагир масъулин гуфтанд, ки соли 2020, дар баробари 14 ҳазор сокинони кишвар, 60 сайёҳи хориҷӣ аз ин макон дидан кардаанд. Соли 2019, 1250 сайёҳи хориҷӣ ва 22 ҳазор сайёҳон аз дохилӣ кишвар барои тамошои ин маҷмааи фарҳангӣ омада буданд.
Лентаи хабарҳо
0
Нахуст ҷадидҳоНахуст кӯҳнаҳо
loader
Дар нашр
Заголовок открываемого материала