Додгоҳи олӣ ду аъзои гурӯҳи Мулло Абдуллоро равонаи зиндони низомаш сахт кард

© Sputnik / Руслан КривобокМолоток судьи, архивное фото
Молоток судьи, архивное фото - Sputnik Тоҷикистон, 1920, 18.02.2021
Додгоҳи олии Тоҷикистон Бо ҳукми Суди Олии Ҷумҳурии Тоҷикистон ду аъзои гуруҳи Раҳимов Абдулло бо лақаби “Мулло Абдулло”-ро барои ыиноятщои дар солщои навадум содиркардаашон равонаи зиндон кард
ДУШАНБЕ, 18 фев— Sputnik. Тибқи иттилои   Прокуратураи генералии Тоҷикистон додгоҳ Латипов А.А. ва Нозиршоев М.А-ро бо ҷурми ҳуҷум ба шаҳрвандон ва ташкилотҳо тайи солҳои 1996 то 2001 барои 19 солӣ равонаи зиндон кард.
Автомат Калашникова, архивное фото - Sputnik Тоҷикистон, 1920, 13.02.2021
Пулис ҷинояти 26 сол қабл рухдодаро ошкор кард: боздоштшуда аз гурӯҳи Эшони Нозим аст
 Ба иттилои манбаъ, тафтишоти пешакӣ марбут ба парвандаи ҷиноятии мазкур мусаллам сохт, ки айбдоршавандагон Латипов А.А. ва Нозиршоев М.А. соли 1996 ба гурӯҳи мусаллаҳи устувори Раҳимов Абдулло бо лақаби “Мулло Абдулло”, ки дар ҳудуди ноҳияи Нуробод бо мақсади ғаразнок ва ниятҳои нопок, ки аз ҳуҷум ба шаҳрвандон ва ташкилотҳо зоҳир мегардад шомил гардида, то соли 2001 дар ин гурӯҳ ҷиноятҳои вазинину махсусан вазнинро содир намудаанд.
Додгоҳ Дона Набиеви 81-соларо 7 сол зиндон кард: ВКД шарҳ дод
  Манбаъ мегӯяд, моҳи майи соли 1999 шаҳрванд Наҷмуддинова С.С. аз ҳиссиёти рашк, ба назди Раҳимов Абдулло, ки он ҷо аъзоёни фаъоли гурӯҳи мусаллаҳи устувори мазкур Нозиршоев М.А., Зумрадов Р.М., Нақибов З.У. Бободжанов Ф.И бо лақаби “Файзи чӯлоқ” ва дигарон фаъолият доштанд омада, нисбати муносибатҳои маҳрамонаи шавҳараш Ғаниев М.А. бо сокини деҳаи Ҳасандараи ҳамин ноҳия Саъдуллоева Ш. А. муроҷиат намудааст.
Каримов Худжа Рахимович, Хуҷа-командир, бывший полевой командир  - Sputnik Тоҷикистон, 1920, 02.02.2021
Парвандаи Хӯҷа-Командир ба додгоҳ рафт: дар 20 куштор муттаҳам мешавад
Минбаъд, Бободжанов Ф.И. дар шарикӣ бо Латипов А.А. ва дигар аъзоёни гурӯҳи мусаллаҳи устувор Ғаниев М.А.-ро ба сифати гаравгон ғасб ва дастгир намуда, муддати зиёда аз 15 рӯз дар қароргоҳи муваққатиашон, воқеъ дар деҳаи Лайрони ноҳияи Нуробод ғайриқонунӣ нигоҳ дошта, мунтазам мавриди лату кӯб ва азобу шиканҷа қарор медоданд.
Гуфта мешавад, онҳо бо мақсади ғаразнок аз падари Ғаниев М.А. - Ғаниев Абдурасо ҳамчун шарти озод кардани гаравгон маблағҳои калони пулӣ ва молу амвол талаб намудаанд.
Додситонӣ мегӯяд, Латипов А.А. тахминан соли 2002 бо мақсади аз ҷавобагарии ҷиноятӣ дур шудан ба Федератсияи Россия фирор намуда, то моҳи октябри соли 2010, яъне то барҳам хурдани гурӯҳи мазкур ва безарар гардонида шудани Раҳимов А. интизори фармонҳои охирон ва дигар аъзоёни гурӯҳ шудааст.
"Илҳом Командир" ба 9 соли зиндон маҳкум шуд
Ахиран бо ҳукми Додгоҳи олӣ аз 12 феврали соли 2021 Латипов А.А. ва Нозиршоев М.А. бо моддаҳои 110 қисми 3 банди “а”, 181 қисми 3 бандҳои “а,б” ва 186 қисми 2 гунаҳгор дониста шуда, ба муҳлати 19 солӣ ба зиндони низомаш сахт маҳкум шудаанд.
Лентаи хабарҳо
0
Нахуст ҷадидҳоНахуст кӯҳнаҳо
loader
Дар нашр
Заголовок открываемого материала