Идомаи фурӯши амволи ширкати Раҷабалӣ Одинаев - “Умед 88”: шарҳи мақомот

© © SputnikЗаправка компании "Умед 88"
Заправка компании Умед 88 - Sputnik Тоҷикистон, 1920, 28.02.2021
 Мақомоти Идораи иҷро дар вилояти Суғд дар бораи фурухта шудани ду нуқтаи сӯзишвории мансуб ба ширкати “Умед 88” хабар доданд
 ДУШАНБЕ, 28 фев – Sputnik. Хуршед Иброҳимзода, муовини сардори Раёсати Хадамоти иҷро дар вилояти Суғд, зимни нишасти матбуотӣ дар бораи фурӯши амволи ширкати “Умед 88” иттилоъ дод.
Ӯ дар посух ба саволи рӯзноманигорон гуфт, то ин замон ду нуқтаи фурӯши сӯзишвории “Умед 88” дар ноҳияҳои Айнӣ ва Б. Ғафуров фурӯхта шуданд.
“Онҳо расман аз тариқи музоядаи оммавӣ ба фурӯш гузошта шуда, маблағи аз тариқи фурӯш ба дастомада тавассути суратҳисоби Хадамоти иҷро дар шаҳри Хуҷанд ба манфияти давлат гузаронида шуд”, гуфт Иброҳимзода.
Ин масъули Раёсати Хадамоти иҷро ҳамчунин зикр намуд, ки то ин ҷониб фурӯши панҷ таъмингоҳи сӯзишвории мансуб ба “Умед 88” дар шаҳру навоҳии Суғд дар раванди иҷро қарор дорад.
Автозаправка ночью UMED88, архивное фото - Sputnik Тоҷикистон, 1920, 31.01.2020
Хадамоти иҷро 56 миллион сомониро аз ҳисоби "Умед-88" рӯёнд
Мақомоти Раёсати иҷро аз соли 2019 то ин замон борҳо дар бораи ба фурӯш гузошта шудани молу амволи ширкати “Умед 88” аз тариқи шабакаҳои телевизионӣ эълон нашр намуда буданд. Бар пояи эълони нашршуда ҷамъи арзиши амволи ба фурӯшгузошташавандаи ин ширкат дар вилояти Суғд то 15, 6 миллион сомонӣ ҳисоб карда мешуд.
Чанде пеш Илёс Идрисзода, сардори Хадамоти иҷрои назди Ҳукумати Тоҷикистон гуфта буд, ки 56 миллион сомонӣ зарари расида аз ҳисоби амволи ширкати “Умед 88” ба фоидаи давлат рӯёнида шудааст. Ширкати “Умед 88” ба Раҷабалӣ Одинаев тааллуқ дорад, ки моҳи октябри соли 2017 боздошт ва дар моҳи сентябри 2018 бо қарори додгоҳ ба 24 соли зиндон маҳкум шуд.
Ваъдаи раиси "Умед - 88" барои пардохти пули давлат ва суоли муфаттишони Ожонсӣ
Дар пайи боздошти Одинаев, Идибек Иброҳимов мудири ширкат ҳам барои 22 сол равонаи зиндон шуд. Ба эълони ин ҳукм, мақомот Одинаев ва ҳамкорашро дар он айбдор карданд, ки 171 милион сомонӣ пули сохтмони “НБО Роғун”-ро, ки Вазорати молияи Ҷумҳурии Тоҷикистон ба “Умед 88” қарз дода буд, бозпас надодааст.
Аммо дар мурофиаҳои додгоҳӣ, Одинаев иброз намудааст, ки дар сурати раҳо шуданаш аз маҳкама имкон дорад, ин миқдор маблағи зарарро пардохт кунад. Вале Додгоҳи олии Тоҷикистон иттилоъ дод, ки расман чунин дархост аз ҷониби Одинаев ворид нашудааст.
"Умед 88" дар се соли пеш аз ширкатҳое шумурда мешуд, ки дар радифи “Газпром”, “Газойл” ва “Фароз”- бузургтарин ширкатҳои таъминкунандаи сӯзишворӣ дар Тоҷикистон рақобат мекард.
Шуморе аз нуқтаҳои фурӯши сӯзишвории “Умед 88” дар ҳудуди шаҳру ноҳияҳои Айнӣ, Б. Ғафуров, Спитамен, Ҷаббор Расулов, Бӯстон ва Хуҷанд амал мекард.
Лентаи хабарҳо
0
Нахуст ҷадидҳоНахуст кӯҳнаҳо
loader
Дар нашр
Заголовок открываемого материала