Боздошти шарики "Шоҳи харчангҳо" ва "сарватмандтарин вакили Русия" дар Хабаровск

© © Фото : пресс-служба Сахалинской областной ДумыДепутат Сахалинской областной думы Дмитрий Пашов
Депутат Сахалинской областной думы Дмитрий Пашов - Sputnik Тоҷикистон, 1920, 01.03.2021
Обуна шудан
Вакили миллиардери Думаи вилоятии Сахалин Дмитрий Пашов, ки рӯзи ҷумъа дар Хабаровск боздошт шуда буд, барои ду моҳ ба ҳабс фиристода шудааст
ДУШАНБЕ, 1 мар - Sputnik. Дар ин бора хабаргузории РИА Новости дар истинод ба манобеяш аз додгоҳи марказии ноҳия хабар додааст.
"Суди марказии ноҳиявӣ 28 феврал чораи пешгирикунандаро дар намуди ҳабс ба мӯҳлати ду моҳ - то 26 апрел таъйин кард. Вай ҳоло дар боздоштгоҳи муваққатии Хабаровск бу да то тасмими тафтишот он ҷо хоҳад монд",- шарҳ додааст манбаъ.
Қаблан як манбаи агентӣ гуфта буд, ки Пашов ҳангоми сафари хизматӣ боздошт шудааст.
Тавре ба РИА Новости президенти Ассотсиатсияи корхонаҳои моҳидории вилояти Сахалин, вакили парлумони маҳаллӣ Максим Козлов шарҳ додааст, вакили парлумон ба наздикӣ ба бозпурсӣ рафт, ки дар чорабиниҳои тафтишотӣ оид ба парвандаҳои ҷиноии дер боз оғозшуда иштирок мекард.
Расонаҳои маҳаллӣ тахмин мезананд, ки ин парванда алайҳи шарики собиқи ӯ Олег Кан аст, ки ӯро "Шоҳи харчанг"-ҳо меноманд. Худи Кан дар ҷустуҷӯи байналмилалӣ қарор дорад.
Встреча главы МИД Таджикистана Сироджиддина Мухриддина - Sputnik Тоҷикистон, 1920, 15.02.2021
Нигаронии Қоҳир Расулзода аз боздошти Абдулфаттоҳев ва ёддошти расмии Душанбе ба Маскав
Моҳи декабри соли 2018, як шабакаи федералии телевизионӣ филмеро дар бораи моҳидории ғайриқонунӣ дар Шарқи Дур ва фурӯши харчанги Камчатка дар Кореяи Ҷанубӣ ва Ҷопон намоиш дод.
Дар ин матлаб гуфта мешуд, ки Кан яке аз ташкилотчиёни тиҷорати ғайриқонунӣ мебошад.
Сардори Кумитаи тафтишот Александр Бастрикин қаблан ба дастгоҳи марказии департамент супориш дода буд, ки маводи парвандаро оид ба куштори соҳибкор Валерий Пхиденко дар соли 2010 аз кормандони дафтари марказии Кумитаи тафтишот Сахалин гирифта, фаҳмад, ки чаро онҳо тафтишро боздоштаанд.
Кумитаи тафтишот муайян кард, ки Кан ташкилотчии куштор аст. Шарики ӯ Дмитрий Поляков соли 2011 маҳкум шуда буд.
Боздошти шаҳрванди Тоҷикистон дар Русия бо дархости Қирғизистон
Дмитрий Пашов аз соли 2017 дар парлумони Сахалин менишаст.
Ғайр аз ин, ӯ раиси раёсати иттиҳодияи моҳидории вилояти Сахалин ва соҳиби ширкати моҳидории Монерон мебошад.
Соли 2019, Forbes Пашовро сарватмандтарин депутат дар Русия номид. Даромади эъломшудаи ӯ он замон 6,2 миллиард рублро ташкил медод.
Лентаи хабарҳо
0